जनतेच्या सुरक्षेची काळजी घेणं हे प्रत्येक राजकीय पक्षाचं काम | मास्कवरून महापौरांचा टोला

मुंबई, ०२ एप्रिल: कोरोना व्हायरसचा सर्वात मोठा स्फोट महाराष्ट्रात झाला आहे. गेल्या 24 तासांत 43,183 नवीन रुग्ण समोर आले आहेत. कोणत्याही राज्यात कोरोनाची सापडलेली ही सर्वात जास्त प्रकरणे आहेत. गेल्या 24 तासांत अमेरिका, फ्रान्स आणि ब्राझील देशांमध्येच फक्त महाराष्ट्रापेक्षा जास्त रुग्ण आढळले आहेत. सर्वात जास्त रुग्ण आढळण्याच्या बाबतीत महाराष्ट्रात जगात चौथ्या क्रमांकावर आहे. दरम्यान मुख्यमंत्री उद्धव ठाकरे यांनी संध्याकाळी वर्षा बंगल्यावर आपत्कालीन बैठक बोलावली आहे. सध्या मुंबईत कडक नियम लागू करण्याचा देखील सरकार विचार करत आहे.

दरम्यान, कोरोनाला टाळण्यासाठी मास्क वापरणं ही तर प्राथमिक गरज आहे. शहरात सार्वजनिक ठिकाणी वावरताना मास्क वापरणं बंधनकारक असतानाही अनेक ठिकाणी गांभीर्यानं याकडे पाहिलं जात नसल्याचं दिसून येत आहे. अशा लोकांवर शंभर टक्के कारवाई केली जाईल, असं किशोरी पेडणेकर प्रसार माध्यमांशी संवाद साधताना म्हणाल्या.

दुसरीकडे महाराष्ट्र नवनिर्माण सेनेच्या नेत्यांकडून मास्क वापरणं टाळलं जात असल्याबाबत विचारला असताना किशोरी पेडणेकर यांनी जोरदार टीका केली. राजकीय नेते जनतेचं प्रबोधन करत असतात पण या जीवघेण्या रोगाबाबत आता नेत्यांचं प्रबोधन कुणी करावं हा प्रश्न निर्माण झाला आहे. ज्या जनतेच्या मतांच्या आधारावर आपण निवडून येतो त्यांच्या सुरक्षेची काळजी घेणं हे प्रत्येक राजकीय पक्षाचं आणि कार्यकर्त्याचं काम आहे. कोरोनाच्या मुद्द्यावरुन स्वत:च्या फायद्याचं राजकारण करणं चुकीचं आहे, असं महापौर किशोरी पेडणेकर म्हणाल्या.

News English Summary: The basic requirement is to use a mask to prevent corona. Although it is mandatory to wear a mask in public places in the city, it is not taken seriously in many places. One hundred percent action will be taken against such people, said Kishori Pednekar while interacting with media.

News English Title: Mumbai Mayor Kishori Pednekar indirectly criticized MNS chief Raj Thackeray stand over corona Mask news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.