मुंबई : काल साध्वी प्रज्ञा ठाकूर यांनी मुंबई हल्ल्यातील शहीद हेमंत करकरे यांच्याबद्दल खळबळजनक विधान केले होते आणि देशात संतापाची लाट उसळली होती. त्यानंतर, काँग्रेससह सर्वच विरोधी पक्षांकडून साध्वींच्या उमेदवारीवर प्रश्नचिन्ह निर्माण केले जात आहे. दरम्यान, सामान्यांपासून ते विरोधी पक्षाकडून तीव्र प्रतिक्रिया उमटताच साध्वी यांनी आपल्या वक्तव्याबद्दल माफी मागितली असून ते माझे वैयक्तिक मत असल्याचीही कबुली दिली आहे आणि भाजपने देखील प्रकरण अंगलट येईल म्हणून सदर विषयावर हात वर केले आहेत. दरम्यान, भाजप आता विषयाला बगल देण्यासाठी मोदी करकरेंच्या कुटुंबियांना भेटले होते असा खोटा कांगावा करत आहे.
दरम्यान, हिंदुत्वाच्या अजेंड्यावरून भाजप नेहमीच तत्कालीन राज्य एटीएसचे प्रमुख हेमंत करकरे यांना लक्ष करत होते. त्याला अनुसरून तत्कालीन काँग्रेस प्रवक्त्या प्रियांका चतुर्वेदी यांनी मोदींना लक्ष करत याच प्रकरणावरून ट्विट केलं होतं’ “जिवंत असताना करकरे यांचा अपमान केला, जेव्हा त्यांचं निधन झालं तेव्हा त्यांच्या कुटुंबावर पैसे फेकले, आता पुन्हा त्यांची प्रतिमा खराब करून तुम्ही त्यांना दुसऱ्यांदा मारण्याचा प्रयत्न केला, पंतप्रधान शरम करा. कालच प्रियांका चतुर्वेदी यांनी काँग्रेसला सोडचिट्टी देत मातोश्रीवर जाऊन शिवबंधन हातात बांधलं आणि यापुढे शिवसेनेसाठी काम करू असं स्पष्ट केलं. त्यामुळे आता त्या युतीचा भाग असल्याने सहयोगी पक्ष म्हणून पुन्हा प्रकाश झोतात येऊ शकतात.
Abused Karkare when alive, threw money at the family when he died, now trying to kill him a second time by tarnishing his image. Shame on PM
— Priyanka Chaturvedi (@priyankac19) May 14, 2016
Modi raj :
A- Trust the testimony of 26/11 terror perpetrator Headley.
B-Disrespect martyr Karkare who lost his life in the same attack— Priyanka Chaturvedi (@priyankac19) May 14, 2016
आज जरी कविता करकरे यांचं निधन होऊन अनेक वर्ष झाली असली तरी त्यावेळी कविता करकरे यांनी कोणत्याही राजकीय व्यक्तींची भेट घेण्यास स्पष्ट नकार दिला होता. दरम्यान नोव्हेंबर २००९ मध्ये कविता करकरे आणि स्मिता साळसकर यांनी तत्कालीन काँग्रेस अध्यक्षा सोनिया गांधी यांची दिल्लीत भेट घेतली होती आणि माध्यमांना सविस्तर माहिती देखील दिली होती.
दरम्यान, २००८ मध्ये मुंबईवर हल्ला झाला तेव्हा मोदी हे गुजरातचे मुख्यमंत्री होते. त्यावेळी ते मुंबईत आले आणि शहीद झालेल्या पोलिसांच्या कुटुंबियांसाठी त्यांनी गुजरात सरकारतर्फे एक कोटी रुपयांचे साह्य़ जाहीर केले. मात्र त्यावेळी शहीद हेमंत करकरे यांच्या पत्नी कविता करकरे यांनी ते साह्य़ घेण्यास स्पष्ट नकार दिला होता हे सांगण्याचं भाजप धाडस करताना दिसत नाही.
दरम्यान काल एका वृत्तवाहिनीला दिलेल्या मुलाखतीत मोदींनी प्रज्ञा सिंग यांची उमेदवारी एका महान संस्कृतीचं प्रतिक असून काँग्रेसला ते अत्यंत महागात पडेल, असे धक्कादायक उत्तर मोदींनी दिलं आहे. सदर विषय पुन्हा उफाळून येण्याची शक्यता आहे.
