लॉकडाऊनमध्ये प्राण गमावणाऱ्या प्रवासी मजुरांची माहिती नाही | भरपाई देणं अशक्य - मोदी सरकार

नवी दिल्ली, १५ सप्टेंबर : केंद्रीय श्रम मंत्रालयाकडून सोमवारी लोकसभेत आपल्याकडे प्रवासी मजुरांच्या मृत्यूची आकडेवारी उपलब्ध नसल्याचं सांगितलंय. त्यामुळे लॉकडाऊनमध्ये प्राण गमावणाऱ्या प्रवासी मजुरांच्या नातेवाईकांना नुकसान भरपाई देण्याचा प्रश्नच येत नाही, असं उत्तर सरकारनं दिलंय.

करोना संक्रमण काळात पंतप्रधान नरेंद्र मोदी यांनी जाहीर केलेल्या देशव्यापी लॉकडाऊननंतर अनेक प्रवासी मजुरांवर बेरोजगारीची वेळ आली होती. त्यामुळे त्यांनी आपापल्या गावांकडे मोर्चा वळवला. या काळात अनेक मजुरांना भूकेमुळे तसंच अथक परिश्रमामुळे आपले प्राण गमवावे लागल्याच्या बातम्या समोर आल्या होत्या. काहींना वाहतुकीची साधनं मिळाली तर काही जण पायीच दूरवरच्या राज्यात आपल्या घराकडे निघाले होते. मदत मिळाली नाही तर अनेक दिवस उपाशी आणि तहानलेल्या अवस्थेत हे मजूर चालत होते. अनेकांनी आपल्या घरी पोहचण्यापूर्वीच रस्त्यावरच प्राण सोडले होते. तर काहींना रस्ते अपघातातही मृत्यूला सामोरं जावं लागलं होतं.

लॉकडाऊनच्या काळात देशातल्या १ कोटींपेक्षा अधिक प्रवासी मजुरांनी घरची वाट धरल्याची माहिती कामगार मंत्रालयानं संसदेत दिली. लॉकडाऊनमध्ये देशभरातल्या मजुरांचे प्रचंड हाल झाले. त्यावरून विरोधकांनी सरकारवर प्रश्नांची सरबत्ती केली. ‘लॉकडाऊनमध्ये किती मजुरांचा जीव गेला? घरी परतताना वाटेतच मरण पावलेल्या मजुरांच्या कुटुंबीयांना किती भरपाई देण्यात आली?,’ असे प्रश्न विरोधकांकडून उपस्थित केले गेले. त्यावर केंद्रीय कामगार मंत्री संतोष कुमार गंगवार यांनी लिखित उत्तर दिलं. ‘या संदर्भात कोणतीही आकडेवारी सरकारकडे नाही,’ असं गंगवार यांनी लेखी उत्तरात म्हटलं.

गंगवार यांच्या उत्तरानंतर काँग्रेसचे नेते दिग्विजय सिंह यांनी सरकारवर जोरदार टीका केली. ‘कामगार मंत्रालय त्यांच्याकडे स्थलांतरित मजुरांच्या मृत्यू संदर्भात कोणतीही आकडेवारी नसल्याचं सांगतंय. सरकारचं हे उत्तर आश्चर्यजनक आणि धक्कादायक आहे,’ असं सिंह म्हणाले.

News English Summary: There is no data on migrant deaths so the “question does not arise” of compensation, the Union labour ministry said in parliament on Monday to a question on whether families of those who had lost their lives while trying to reach home in the coronavirus lockdown had been compensated. The government’s written response in Lok Sabha on the first day of the monsoon session triggered anger and criticism from the opposition. “If you haven’t counted, have the deaths not taken place?” Congress leader Rahul Gandhi, who is abroad for his mother Sonia Gandhi’s health check-up, tweeted this morning.

News English Title: No compensation for migrant deaths as no data available says Modi government in parliament Marathi News LIVE latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.