LIC Saral Pension | ‘जिंदगी के साथ भी जिंदगी के बाद भी’ एलआयसीची ही जाहिरात तुम्ही आतापर्यंत अनेकवेळा टीव्हीला पाहिली असेल. LIC अंतर्गत ग्राहकांना वेगवेगळ्या विमांचा प्लॅन दिला जातो. त्याचबरोबर एलआयसीच्या अनेक योजना देखील उपलब्ध आहेत. अनेक लोक जीवनाचा एलआयसी विमा काढतात.
‘LIC सरल पेन्शन योजना’
अशातच नोकरी करणारा व्यक्ती कधी ना कधी रिटायर होणारच. रिटायरमेंटनंतर पैशांची चिंता प्रत्येकाला सतावते. वय जास्त असल्यामुळे बाहेर काम करू शकत नाही आणि वयोमानानुसार आपल्याला ते जमतही नाही. त्यामुळे सेवानिवृत्तीनंतरच आयुष्य अल्हाददायक जावं यासाठी एलआयसीमधील ‘LIC सरल पेन्शन योजना’ या स्कीम बद्दल तुम्हाला माहित असणं अत्यंत गरजेचं आहे. या योजनेमधून तुम्ही भरपूर पैसे कमवू शकता. कारण की, ही योजना तुम्हाला चांगला रिटर्न मिळवून देण्याची शाश्वती देते.
या योजनेमध्ये तुम्ही एकाचवेळी पैसे गुंतवू शकता. असं केल्यास गुंतवणूकदाराला प्रत्येक महिन्याला एक ठराविक रक्कम पेन्शनच्या स्वरूपात मिळते. विशेष म्हणजे या योजनेचा लाभ तुम्ही स्वतंत्र किंवा पार्टनरबरोबर घेऊ शकता.
कोणाला मिळणार योजनेचा लाभ?
40 ते 80 या वयोमर्यादेखालील कोणताही व्यक्ती या योजनेसाठी पात्र आहे. निवृत्तीआधी आणि निवृत्तीनंतर देखील या योजनेचा लाभ घेऊ शकता. सोबतच पती-पत्नी एकत्र मिळून या योजनेचा लाभ घेऊ शकतात.
एकदाच गुंतवणूक करा :
या योजनेचा लाभ घेण्यासाठी तुम्हाला कोणतंही वार्षिक प्रीमियम भरावं लागणार नाही. तुम्ही एकसाथ पैसे भरून ॲन्यूइटी खरेदी करू शकता. तुम्हालाही पेन्शन आयुष्यभर सुरू राहणार. निवृत्तीनंतर तुमच्या खात्यात प्रत्येक महिन्याला पैसे येत राहणार. महत्त्वाचं म्हणजे या योजनेमध्ये पैशांची रक्कम वाढत नाही. सुरुवातीलाच जी रक्कम हस्तांतरित केली जाते तेवढीच रक्कम तुम्हाला प्रत्येक महिन्याला आयुष्यभरासाठी मिळत राहणार.
पेन्शनची रक्कम किती?
कंपनीने खातेधारकांसाठी कोणतीही रक्कम निश्चित केली नाहीये. तुम्ही जास्तीत जास्त जेवढी रक्कम जमा कराल तितकाच जास्त रिटर्न तुम्हाला मिळणार. समजा तुम्ही 42 वर्षांचे आहात आणि तुम्ही 30 लाखांची ॲन्यूइटी खरेदी केली आहे तर, सेवानिवृत्ती झाल्यानंतर प्रत्येक महिन्याला तुमच्या खात्यात तुमच्या हक्काचे 12 हजार 388 रुपये जमा होत राहतील. त्याचबरोबर पॉलिसी लाभार्थ्याचा अचानक मृत्यू झाला तर, त्याने नॉमिनी केलेल्या व्यक्तीला गुंतवणूक केलेली सर्व रक्कम दिली जाईल.
