Gratuity Calculation | ग्रॅच्युईटीच्या बाबतीत एक साधा नियम आहे की जर तुम्ही एखाद्या कंपनीत 5 वर्षे काम केले असेल तर तुम्हाला त्या संस्थेकडून ग्रॅच्युईटीचे पैसे मिळण्याचा अधिकार आहे. ग्रॅच्युइटी हा एक प्रकारचा बक्षीस आहे जो कंपनी आपल्या कर्मचाऱ्यांना निष्ठेने दीर्घकाळ पुरविलेल्या सेवांच्या बदल्यात देते. परंतु जर एखाद्या कर्मचाऱ्याने 5 महिन्यांपेक्षा कमी काळ काम केले असेल तर त्याने ग्रॅच्युईटीची अपेक्षा करावी का? जाणून घ्या काय म्हणतो नियम.
ग्रॅच्युईटीच्या बाबतीत काय आहे नियम समजून घ्या
5 वर्षांच्या कामासाठी ग्रॅच्युइटीबाबत नियम आहे, पण जर एखाद्या कर्मचाऱ्याने कंपनीत 4 वर्ष 8 महिने काम केले असेल तर त्याला ग्रॅच्युइटीचा पात्र मानले जाते. अशापरिस्थितीत 4 वर्षे 8 महिन्यांचा कालावधी पूर्ण 5 वर्षे मानला जातो आणि त्याला 5 वर्षानुसार ग्रॅच्युइटीची रक्कम दिली जाते.
परंतु जर त्याने 4 वर्ष 8 महिन्यांपेक्षा कमी काळ काम केले असेल तर त्याच्या नोकरीचा कालावधी 4 वर्षे म्हणून गणला जाईल आणि अशा परिस्थितीत त्याला ग्रॅच्युईटी मिळणार नाही. म्हणजेच 4 वर्ष 8 महिने काम केल्यानंतरही तुम्ही ग्रॅच्युईटीसाठी पात्र ठरता.
नोटीस कालावधी देखील नोकरीच्या कालावधीत मोजला जातो
नोकरीचा कालावधी मोजताना कर्मचाऱ्याचा नोटीस पीरियडही मोजला जातो. समजा तुम्ही एखाद्या कंपनीत साडेचार वर्षे म्हणजे 4 वर्षे 6 महिने काम केल्यानंतर राजीनामा दिला, पण राजीनामा दिल्यानंतर दोन महिन्यांचा नोटीस पीरियड दिला. अशावेळी तुमच्या नोकरीचा कालावधी 4 वर्ष 8 महिने म्हणून गणला जाईल. आणि ती 5 वर्षे मानून ग्रॅच्युइटीची रक्कम दिली जाईल.
या परिस्थितीत 5 वर्षांचा नियम वैध नाही
ग्रॅच्युईटी अॅक्ट 1972 नुसार एखाद्या कर्मचाऱ्याचा अनपेक्षित मृत्यू झाला किंवा तो अपंग झाला आणि पुन्हा काम करू शकला नाही, तर ग्रॅच्युइटी देण्यासाठी त्याला 5 वर्षांच्या कामाचा नियम लागू होत नाही. अशा परिस्थितीत ग्रॅच्युइटीची रक्कम नॉमिनी किंवा अवलंबित व्यक्तीला दिली जाते. नोकरीत रुजू होताना फॉर्म एफ भरून तुम्ही तुमच्या ग्रॅच्युईटीच्या रकमेसाठी नॉमिनीचे नाव नोंदवू शकता.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
