Income Tax Notice | बदलत्या काळानुसार बँक खाते वापरणाऱ्यांची संख्याही सातत्याने वाढत आहे. बँक खाती दोन प्रकारची असतात: बचत आणि चालू. बँक खात्यातून पैसे जमा करणे व काढण्याबाबत विविध नियम तयार करण्यात आले असून, त्याचे उल्लंघन केल्यास कडक कारवाई केली जाते. आज आपण बचत खात्यांबद्दल बोलणार आहोत; साधारणपणे आजकाल प्रत्येकाकडे आपल्या बँकिंग गरजा भागवण्यासाठी किमान एक बचत खाते असणे आवश्यक आहे.
बचत खात्यात पैसे जमा करण्यासाठी काय नियम आहेत आणि त्यात तुम्ही किती पैसे जमा करू शकता हे तुम्हाला माहित आहे का? मर्यादा ओलांडल्यास आयकर विभागाच्या रडारवर येऊ शकता; जाणून घ्या यासंबंधीचे नियम.
10 लाख रुपयांहून अधिकच्या बँक ठेवी
रिझर्व्ह बँक ऑफ इंडियाने (आरबीआय) बँकांना निर्देश दिले आहेत की, जर कोणत्याही बँक खात्यात 10 लाख रुपये किंवा त्यापेक्षा जास्त रोख रक्कम जमा आणि काढली जात असेल तर त्यांनी आयकर विभागाला कळवावे. नियमानुसार एका आर्थिक वर्षात 10 लाखरुपयांपेक्षा अधिक रक्कम जमा केल्यास प्राप्तिकर विभागाचे (आयटीडी) लक्ष वेधले जाते.
त्यामुळे एकाच आर्थिक वर्षात बचत खात्यात 10 लाख रुपयांपेक्षा जास्त रक्कम जमा किंवा काढू नये, असा प्रयत्न करा. असे केल्याने तुम्ही आयकर विभागाच्या रडारवर जाल. ते आपल्याला प्रश्न विचारू शकतात, ज्याची उत्तरे आपल्याला द्यावी लागतील.
तुमची बँक सुद्धा इन्कम टॅक्स विभागाला माहिती देते
आर्थिक वर्षात (१ एप्रिल ते ३१ मार्च) एखाद्या व्यक्तीच्या बचत खात्यात १० लाखरुपयांपेक्षा जास्त रोख रक्कम जमा झाल्यास त्याची माहिती प्राप्तिकर विभागाला देणे बंधनकारक आहे. केंद्रीय प्रत्यक्ष कर मंडळाने (सीबीडीटी) बँकांना अशा व्यवहारांची माहिती देणे बंधनकारक केले आहे, जरी ठेवी अनेक खात्यांमध्ये वितरित केल्या गेल्या असल्या तरी.
50,000 रुपयांपेक्षा जास्त रकमेच्या ठेवींसाठी पॅन नंबर अनिवार्य
तसेच, असे व्यवहार करणाऱ्या प्रत्येक व्यक्तीने संबंधित कागदपत्रांमध्ये आपले पॅन किंवा आधार देणे आवश्यक आहे. इन्कम टॅक्सच्या नियमांनुसार 50,000 रुपयांपेक्षा जास्त रकमेच्या ठेवींसाठी पॅन नंबर अनिवार्य आहे.
एका दिवसात 2 लाख रुपये किंवा त्यापेक्षा जास्त रोख रक्कम काढण्यावर नजर
कलम 269 एसटी नुसार कोणत्याही व्यक्तीला एका दिवसात 2 लाख रुपये किंवा त्यापेक्षा जास्त रोख रक्कम काढण्यास मनाई आहे.
