Maharashtra Govt Employees | महाशिवरात्रीनिमित्त महाराष्ट्र सरकारने राज्यातील सरकारी कर्मचारी आणि पेन्शनधारकांना मोठी भेट दिली आहे. महाराष्ट्र सरकारने मंगळवारी (25 फेब्रुवारी) आपल्या कर्मचाऱ्यांच्या महागाई भत्त्यात (डीए) 12 टक्के वाढ करण्याचा निर्णय घेतला.
सरकारी आदेशानुसार सुरुवातीचा महागाई भत्ता ४४३ टक्के होता, तो वाढवून ४५५ टक्के करण्यात आला आहे. पाचव्या वेतन आयोगाच्या अपरिवर्तित वेतनश्रेणी अंतर्गत करण्यात आलेली ही वाढ १ जुलै २०२४ पासून लागू होणार आहे. या वाढीव डीएचा भरणा फेब्रुवारी २०२५ च्या वेतनासह रोखीने केला जाणार आहे. तसेच १ जुलै २०२४ ते ३१ जानेवारी २०२५ पर्यंतची थकबाकीही भरण्यात येणार आहे.
17 लाख कर्मचाऱ्यांना फायदा होणार
राज्य सरकारच्या या घोषणेचा थेट फायदा सुमारे १७ लाख कर्मचाऱ्यांना होणार आहे. राज्याच्या वित्त विभागातील एका अधिकाऱ्याने दिलेल्या माहितीनुसार, सरकारच्या या निर्णयाचा थेट फायदा सुमारे १७ लाख सरकारी कर्मचाऱ्यांना होणार आहे. शासन आदेशात (जीआर) म्हटले आहे की, डीए वितरणासंदर्भातील विद्यमान प्रक्रिया आणि तरतुदी भविष्यात लागू राहतील.
सुधारित महागाई भत्त्यावरील खर्च सरकारी कर्मचाऱ्यांसाठी संबंधित वेतन व भत्त्या शीर्षकांतर्गत वाटप केलेल्या अर्थसंकल्पीय तरतुदींमधून भागविला जाईल, असे आदेशात म्हटले आहे. अनुदानित संस्था व जिल्हा परिषद कर्मचाऱ्यांसाठी त्यांच्या आर्थिक मदतीसाठी विहित उपशीर्षकाखाली खर्चाची नोंद केली जाणार आहे.
केंद्र सरकार आठवा वेतन आयोग लागू करणार का?
होळीला किंवा त्याआधी केंद्र सरकार आपल्या कर्मचाऱ्यांना मोठी भेट देऊ शकते आणि त्यासाठी आठवा वेतन आयोग लागू करण्याची तयारी करत आहे. आठवा वेतन आयोग 1 जानेवारी 2026 पासून लागू होणार आहे. मात्र, त्यात दिरंगाई होऊ शकते, असे तज्ज्ञांचे मत आहे. सातव्या वेतन आयोगांतर्गत वर्षातून दोनवेळा महागाई भत्ता वाढवला जातो.
पहिली वाढ १ जानेवारीपासून तर दुसरी १ जुलैपासून लागू होणार आहे. 2025 साठी पहिली वाढ 1 जानेवारी 2025 पासून लागू होईल. त्याची अधिकृत घोषणा मार्च २०२५ मध्ये होऊ शकते.
