Rent Agreement | शहरी भागांकडे भाड्याने घर घेऊन राहण्याचे प्रमाण प्रचंड प्रमाणात वाढलं आहे. बहुतांश व्यक्ती शिक्षणासाठी तर, काही व्यक्ती नोकरीसाठी शहरी भागांमध्ये छोट्या मोठ्या ठिकाणी भाड्याची खोली घेऊन राहतात. कारण की मुंबईसारख्या शहरी भागांमध्ये लगेचच पैसे देऊन घर खरेदी करणे शक्य नाही.
भाड्याने घर घेऊन राहणाऱ्या व्यक्तींसाठी घरमालक रीतसर भाडेकरार करून घेतात. बहुतांश घर मालक किंवा भाडेकर फसवे निघू शकतात. त्यामुळे बहुतांश भाडेकरू आणि घरमालक भाडेकरार करूनच घर भाड्याने देतात. भाडेकरारमध्ये तुम्ही कितीपर्यंत भाडं ठरवलं आहे, त्याचबरोबर तुम्ही कोणत्या तारखेला भाडे घरमालकाला देणार आणि एग्रीमेंट वेळ या सर्व गोष्टी नमूद असतात. त्याचबरोबर आणखीनही काही गोष्टी अत्यंत महत्त्वाच्या आहेत ज्या भाडेकरारात केल्या जातात. आज आम्ही तुम्हाला सर्व गोष्टींबद्दल सांगणार आहोत.
तुम्हाला तोंडी सांगितलेली माहिती भाडेकरारात नमूद आहे की नाही हे तपासा :
तुम्ही ज्यावेळी भाड्याने घर शोधता त्यावेळी घर मालकाकडून भाड्याच्या घरात उपलब्ध असणाऱ्या सर्व सुख सोयींबद्दल सांगण्यात येते. ज्यामध्ये लाईट बिलपासून ते, पाणी, किराणा स्टोअर, रिक्षा स्टॅन, हॉस्पिटल आणि हाकेच्या अंतरावर असलेल्या गरजेच्या वस्तू या सर्व गोष्टींचा यामध्ये समावेश असतो. त्यामुळे भाडेकरार करताना या सर्व गोष्टी तुमच्या भाडेकरारामध्ये नमूद केल्या आहेत की नाही हे तपासून पहा. यामध्ये पार्किंग चार्जेस देखील समाविष्ट असतात.
एग्रीमेंटची टाईम लाईन :
तुम्ही भाड्याने किती वर्षांसाठी घर घेतलं आहे किंवा घरमालकाने भाडेकरूला किती वर्षांसाठी घर भाड्याने दिले आहे याचा एक टाईम लाईन निश्चित असतो. तो तुम्ही तोंडी बोलला असाल आणि भाडेकरार नमूद करण्यात विसरला असाल तर, तुमच्यावर रस्त्यावर राहण्याची वेळ नक्कीच येऊ शकते. तुम्ही भाडेकरू असाल आणि तुमची एग्रीमेंट टाईम लाईन निश्चित नसेल तर, सर्वप्रथम ही गोष्ट पूर्ण करून घ्या. भाडेकराराचे टाईम लाईन ही तीन ते पाच वर्षांपर्यंत उपलब्ध असू शकते.
नोटीस किंवा लॉक इन टाईम :
काही गोष्टींमुळे घर मालक आणि भाडेकरू दोघांमध्ये काही कारणास्तव वेळ पूर्ण होण्याआधीच भाडेकरार मोडला जाऊ शकतो. अशावेळी तुम्ही नोटीस किंवा लॉक इन टाईम सर्टिफिकेट घेणे अत्यंत गरजेचे. सहसा नोटीस एक महिन्याची असू शकते. नोटीस टाईम दोन्ही पक्षांवर समान कालावधीनुसार लागू केल्या जातो.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
