कडक संचारबंदीत लोक शिवथाळी खायला जाणार कसे? | पण शिवथाळीसाठी गर्दी | राम कदम तोंडघशी

मुंबई, १६ एप्रिल: दिवसेंदिवस वाढत असलेल्या कोरोना प्रादुर्भावामुळे महाराष्ट्र सरकारने कडक निर्बंध लागू केले आहेत. अशाकाळात मजुर, कष्टकरी, निराधार, बेघर, गरीबांसाठी राज्यसरकारची शिवभोजन थाळी योजना आधार देणारी ठरत असल्याचे मत राज्याचे अन्न व नागरी पुरवठा मंत्री छगन भुजबळ यांनी व्यक्त केले आहे. दरम्यान गुरुवारी (१४ एप्रिल) पहिल्याच दिवशी तब्बल ९६ हजार ३५२ शिवभोजन थाळ्यांचे वितरण करण्यात आले तर आज दुपारपर्यंत ९८ हजार ९८५ थाळ्यांचे मोफत वितरण करण्यात आले असल्याची माहितीही छगन भुजबळ यांनी दिली.

कोरोना प्रादुर्भावानंतर लॉकडाऊनच्या काळात मुख्यमंत्री यांनी जाहीर केलेल्या पॅकेजनुसार अन्न व नागरी पुरवठा विभागाने काल मोफत शिवभोजन थाळीचे वितरण करण्याचे आदेश निर्गमित केले त्यानंतर सर्वच केंद्रांनी कोरोनाचे सर्व नियम व राज्य सरकारने आखुन दिलेल्या नियमानुसार शिवभोजन थाळीचे मोफत वितरण केल्याचे मंत्री छगन भुजबळ यांनी सांगितले.

मागील अनेक दिवस समाज माध्यमांवर शिवभोजन थाळीवर टीका केली जात आहे. मात्र गरीबांचे पोट भरणाऱ्या शिवभोजनवर टीका करणाऱ्यांनी जरा वस्तुस्थिती पहावी आणि मग समाज माध्यमात व्यक्त व्हावे असे मतदेखील छगन भुजबळ यांनी व्यक्त केले.

दरम्यान, राज्य सरकारने कडक निर्बंध जाहीर केले तेव्हा गोरगरिबांचे पोट भरणारी शिवथाळी खायला कोण येणार असा प्रश्न भाजपचे आमदार राम कदम यांनी उपस्थित केला होता. मात्र आता ते तोंडघशी पडल्याचं चित्र आहे. राम कदम यांनी ट्विट करताना म्हटलं होतं की, “कडक संचारबंदी लागू असताना लोक शिवथाळी खायला जाणार कसे? का वसूलीसरकारचा पैसे मोजणाऱ्या मशीनला व्यस्त ठेवण्यासाठी नवीन प्रयत्न?

कडक संचारबंदी लागू असताना लोक #शिवथाळी खायला जाणार कसे? का #वसूलीसरकार चा पैसे मोजणाऱ्या मशीनला व्यस्त ठेवण्यासाठी नवीन प्रयत्न? #vajhegang

— Ram Kadam – राम कदम (@ramkadam) April 14, 2021

News English Summary: After the Corona outbreak, the Food and Civil Supplies Department issued an order yesterday to distribute free Shivbhojan Thali as per the package announced by the Chief Minister, after which all the centers distributed Shivbhojan Thali free of cost as per all the rules of Corona and the rules laid down by the state government, said Minister Chhagan Bhujbal.

News English Title: Common peoples slams BJP MLA Ram Kadam over crowding for Shivbhojan Thali news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.