11 April 2021 7:28 PM
अँप डाउनलोड
बातम्या फ्लॅश

पंढरपूर-मंगळवेढा पोटनिवडणूक | राष्ट्रवादीकडून भगिरथ भालकेंना अधिकृत उमेदवारी

Pandharpur Mangalwedha constituencies, Bhagirath Bhalke, Bharat Bhalke, NCP

पंढरपूर, २९ मार्च: राष्ट्रवादीचे आमदार भारत भालके यांच्या निधनानंतर रिक्त झालेल्या पंढरपूर-मंगळवेढा मतदारसंघांची निवडणुक १७ एप्रिलला होणार आहे.त्यासाठी राष्ट्रवादीकडून भारत भालके यांचे सुपुत्र भगिरथ भालके यांना उमेदवारी जाहीर करण्यात आलेली आहे. यासंदर्भात राष्ट्रवादीचे प्रदेशाध्यक्ष जयंत पाटील यांनी ट्विट करून माहिती दिली आहे.

BhagyaVivah Marathi Matrimonial

जलसंपदा मंत्री जयंत पाटील यांनी ट्वीट करून भगीरथ भालके यांच्या नावाची घोषणा केली आणि त्यांना विजयासाठी शुभेच्छा दिल्या. “शरद पवार यांच्या मान्यतेनं पंढरपूर-मंगळवेढा मतदारसंघाच्या पोटनिवडणुकीत भगीरथ भारत भालके यांना राष्ट्रवादी काँग्रेस पक्षाचे अधिकृत उमेदवार घोषित करण्यात येत आहेत. ते नक्की विजय होतील, असा आम्हाला विश्वास आहे. भगीरथ भालके यांना शुभेच्छा!,” असं पाटील यांनी म्हटलं आहे.

पंढरपूर-मंगळवेढा मतदारसंघाच्या पोटनिवडणुकीसाठी भाजपकडून उमेदवार जाहीर करण्यात आला आहे. समाधान महादेव आवताडे यांना भारतीय जनता पक्षाकडून या मतदारसंघासाठी उमेदवारी देण्यात आली आहे. त्यामुळे ही निवडणूक बिनविरोध न होता चांगलीच चुरशीची होणार असल्याचे बोललं जात आहे.

 

News English Summary: Elections for the Pandharpur-Mangalwedha constituencies, which became vacant after the death of NCP MLA Bharat Bhalke, will be held on April 17. The NCP has declared Bharat Bhalke’s son Bhagirath Bhalke as its candidate. NCP state president Jayant Patil has informed about this by tweeting.

News English Title: Pandharpur Mangalwedha constituencies by poll election Bhagirath Bhalke is candidate of NCP party news updates.

हॅशटॅग्स

#NCP(341)

संबंधित बातम्या

राहुन गेलेल्या बातम्या

x