Adani Group To Acquire NDTV | गौतम अदानी समूहातील कंपनी एएमजी मीडिया नेटवर्क लिमिटेडने मीडिया हाऊस एनडीटीव्हीमध्ये हिस्सा खरेदी करण्याची घोषणा केली आहे. अदानी समूह एनडीटीव्ही म्हणजेच नवी दिल्ली टेलिव्हिजन लिमिटेडमध्ये 29.18% हिस्सा विकत घेणार आहे. त्याचबरोबर ओपन ऑफरच्या माध्यमातून एनडीटीव्हीमधील 26 टक्के हिस्सा विकत घेणार आहे.
अशा प्रकारे अदानी समूहाची एकूण हिस्सेदारी ५५ टक्क्यांहून अधिक असेल आणि त्याला मीडिया कंपनीतील प्रमुख भागधारक म्हटले जाईल. या करारासाठी सुमारे ४९५ कोटी रुपये खर्च अपेक्षित आहे. दरम्यान, मंगळवारी एनडीटीव्हीचे शेअर्स 5 टक्क्यांनी वधारुन 376.55 रुपयांवर बंद झाले.
एएमजी मीडिया नेटवर्क्स लिमिटेडचे वरिष्ठ पत्रकार आणि मुख्य कार्यकारी अधिकारी संजय पुगलिया यांनी एका निवेदनात म्हटले आहे की, “हे अधिग्रहण माध्यम उद्योगात पुढे जाण्यासाठी एक महत्त्वाचा टप्पा आहे. आम्हाला भारतीय नागरिक, ग्राहक किंवा भारतात रस असलेल्यांना माहिती आणि ज्ञानाने सक्षम बनवायचे आहे. एनडीटीव्ही ही आमची दृष्टी पूर्ण करण्यासाठी सर्वात योग्य प्रसारण आणि डिजिटल प्लॅटफॉर्म आहे. बातम्यांच्या वितरणात एनडीटीव्हीचे नेतृत्व बळकट करण्यासाठी आम्ही उत्सुक आहोत.
अडाणी ग्रुप NDTV मीडिया ग्रुप में 29.18% हिस्सेदारी खरीदेगा।। pic.twitter.com/spYYU29ULD
— Rohit Jhaliwal ( sahu ) (@RJhaliwal_inc) August 23, 2022
मीडिया इंडस्ट्रीतील खास ओळख :
एनडीटीव्ही हे एक प्रमुख मीडिया हाऊस आहे. सुमारे तीन दशके माध्यम उद्योगात ठसा उमटवणाऱ्या या कंपनीकडे एनडीटीव्ही २४ बाय ७, एनडीटीव्ही इंडिया आणि एनडीटीव्ही प्रॉफिट या तीन राष्ट्रीय वृत्तवाहिन्या आहेत. यात ऑनलाइन प्रेझेन्स देखील मजबूत आहे. सोशल मीडियाच्या वेगवेगळ्या प्लॅटफॉर्मवर याचे जोरदार फॅन फॉलोइंग आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
