Adani Ports Share Price | गौतम अदानी समूहाचा भाग असलेल्या अदानी पोर्ट्स अँड स्पेशल इकॉनॉमिक झोन कंपनीने मार्च 2023 तिमाहीचे आर्थिक निकाल जाहीर केले आहेत. या तिमाहीत कंपनीने 1,158.88 कोटी रुपये निव्वळ नफा कमावला आहे. मागील वर्षीच्या याच तिमाहीत कंपनीने 1,102.61 कोटी रुपये निव्वळ नफा कमावला होता.
मागील तिमाहीच्या तुलनेत या तिमाहीत कंपनीने 5.1 टक्के अधिक नफा कमावला आहे. या तिमाहीत कंपनीच्या महसुलात देखील 40 टक्के वाढ झाली असून कंपनीने 5797 कोटी रुपये महसूल संकलित केला आहे.
याशिवाय अदानी समूहाच्या अदानी पोर्ट्स आणि शिपिंग फ्लॅगशिप फर्मच्या EBITDA मध्ये 59 टक्के वाढ पाहायला मिळाली आहे. या कंपनीचा EBITDA 3270 कोटी रुपये नोंदवला गेला आहे. एका वर्षापूर्वी याच तिमाहीत कंपनीचा EBITDA 2057 कोटी रुपये होता.
अदानी पोर्ट्स शेअरची सध्याची किंमत
अदानी पोर्ट्स कंपनीचे मार्जिन देखील आर्थिक वर्ष 2022-23 च्या चौथ्या तिमाहीत 56.4 टक्के वाढले आहेत. मागील आर्थिक वर्षाच्या याच तिमाहीत कंपनीचे मार्जिन 49.7 टक्के होते. आज बुधवार दिनांक 31 मे 2023 रोजी या कंपनीचे शेअर्स 0.81 टक्के वाढीसह 740.00 रुपये किमतीवर क्लोज झाले आहेत.
250 टक्के लाभांशची घोषणा
अदानी पोर्ट्स कंपनीच्या संचालक मंडळाने आपल्या शेअर धारकांना प्रति शेअर 5 रुपये लाभांश वाटप करण्याची घोषणा केली आहे. दर्शनी मूल्यावर आधारित कंपनी 250 टक्के लाभांश वाटप करणार आहे. यासाठी आगामी वार्षिक सर्वसाधारण सभेत कंपनी शेअर धारकांची मान्यता घेईल. मंगळवारच्या ट्रेडिंग सेशनमध्ये अदानी पोर्ट्स कंपनीचे शेअर्स 1 टक्क्यांच्या घसरणीसह 734.30 रुपये किमतीवर ट्रेड करत होते.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
