Adani Power Vs Tata Power Share | अदानी पॉवर स्टॉकमध्ये सध्या वाढीचे संकेत मिळत आहेत. मागील काही दिवसापासून अदानी पॉवर स्टॉकमध्ये जोरदार खरेदी पहायला मिळत आहे. दोन गुंतवणूक संस्थांनी 5 ते 25 सप्टेंबर 2023 दरम्यान खुल्या बाजारातून अदानी पॉवर कंपनीचे 2.2 टक्के भाग भांडवल खरेदी केले होते.
या गुंतवणूक करणाऱ्या संस्थामध्ये फोर्टिट्यूड ट्रेड अँड इन्व्हेस्टमेंट लिमिटेड आणि इमर्जिंग मार्केट्स इन्व्हेस्टमेंट लिमिटेड या दोन कंपन्या आहेत. आज शुक्रवार दिनांक 29 सप्टेंबर 2023 रोजी अदानी पॉवर स्टॉक 0.21 टक्के वाढीसह 376.20 रुपये किमतीवर ट्रेड करत आहे.
स्टॉक खरेदी तपशील
फोर्टीट्यूड ट्रेड अँड इन्व्हेस्टमेंट लिमिटेड आणि इमर्जिंग मार्केट इन्व्हेस्टमेंट लिमिटेड या दोन गुंतवणूक संस्थांनी अदानी पॉवर कंपनीच्या शेअरमध्ये गुंतवणूक करून 2.2 टक्के भाग भांडवल खरेदी केले आहे. Fortitude Trade & Investment कंपनीने 5-21 सप्टेंबर 2023 दरम्यान अदानी पॉवर कंपनीचे 6,58,47,000 शेअर्स खरेदी करून 1.71 टक्के भाग भांडवल ताब्यात घेतले आहे. इमर्जिंग मार्केट इन्व्हेस्टमेंट कंपनीने 21 ते 25 सप्टेंबर 2023 दरम्यान अदानी पॉवर कंपनीचे 1,92,00,000 शेअर्स खरेदी करून 0.5 टक्के भाग भांडवल ताब्यात घेतले आहे.
शेअरची कामगिरी
अदानी पॉवर कंपनीचे शेअर्स गुरुवारच्या ट्रेडिंग सेशनमध्ये 374.40 रुपये किमतीवर ट्रेड करत होते. मागील सहा महिन्यांत अदानी पॉवर स्टॉक 115.36 टक्के मजबूत झाला आहे. या कालावधीत शेअरची किंमत 173 रुपयेवरून वाढून सध्याच्या किंमतीवर आली आहे. YTD आधारे अदानी पॉवर स्टॉकने आपल्या गुंतवणुकदारांना 25.57 टक्के परतावा कमावून दिला आहे. मागील पाच वर्षांत या कंपनीच्या शेअरने आपल्या गुंतवणुकदारांना 1,474.16 टक्के परतावा कमावून दिला आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
