Adani Total Gas Share Price | अदानी टोटल गॅस शेअर तेजीचे संकेत, फायद्याची अपडेट येताच स्टॉक खरेदी वाढली

Adani Total Gas Share Price | अदानी टोटल गॅस कंपनीचे शेअर्स मजबूत तेजीत वाढत आहेत. नुकताच या कंपनीने आपले जून तिमाहीचे निकाल जाहीर केले आहेत. जून 2024 तिमाहीत कंपनीचा निव्वळ नफा 20 टक्क्यांच्या वाढीसह 177 कोटी रुपये नोंदवला गेला आहे. कंपनीने आपल्या निवेदनात म्हटले आहे की, जून तिमाहीत कंपनीच्या सीएनजी आणि पाइप्ड कुकिंग गॅसच्या विक्रीत वाढ झाल्याने कंपनीचा नफा वाढला आहे.

मागील वर्षी याच तिमाहीत अदानी टोटल गॅस कंपनीचा नफा 148 कोटी रुपये नोंदवला गेला होता. आज मंगळवार दिनांक 30 जुलै 2024 रोजी अदानी टोटल गॅस स्टॉक 0.51 टक्के वाढीसह 897.50 रुपये किमतीवर ट्रेड करत आहे.

जून तिमाहीत अदानी टोटल गॅस कंपनीचे परिचलन उत्पन्न नऊ टक्क्यांच्या वाढीसह 1,237 कोटी नोंदवले गेले आहे. याच तिमाहीत कंपनीचा EBITDA वार्षिक आधारावर 21 टक्क्यांच्या वाढीसह 308 कोटी रुपये नोंदवला गेला आहे. आर्थिक वर्ष 2024-25 च्या जून तिमाहीत अदानी टोटल गॅस कंपनीची सीएनजी विक्री 20 टक्क्यांच्या वाढीसह 153 दशलक्ष घनमीटर नोंदवली गेली आहे.

कंपनीची PNG विक्री 11 टक्क्यांच्या वाढीसह 77 दशलक्ष घनमीटर नोंदवली गेली आहे. अदानी टोटल गॅस लिमिटेड कंपनीचे सीईओ सुरेश पी मंगलानी यांनी आपल्या निवेदनात म्हंटले आहे की, कंपनीने 2024-25 या आर्थिक वर्षाची चांगली सुरुवात केली आहे. अदानी टोटल गॅस कंपनीने 17 टक्के व्हॉल्यूम वाढीसह 21 टक्के EBITDA वाढ नोंदवली आहे.

सोमवारी अदानी टोटल गॅस कंपनीचे शेअर्स 4 टक्के वाढीसह 924 रुपये किमतीवर पोहचले होते. मागील एका वर्षात या कंपनीच्या शेअर्सने आपल्या गुंतवणुकदारांना 34 टक्के परतावा कमावून दिला आहे. मागील पाच वर्षात या कंपनीच्या शेअर्सची किंमत 147 टक्के वाढली आहे. 2024 या वर्षात अदानी टोटल गॅस स्टॉक 10 टक्के वाढला आहे.

मागील सहा महिन्यांत अदानी टोटल गॅस कंपनीच्या शेअरची किंमत 13 टक्के वाढली आहे. या कंपनीच्या शेअर्सची 52 आठवड्यांची उच्चांक किंमत पातळी 1,259.90 रुपये होती. तर नीचांक किंमत पातळी 521.95 रुपये होती. या कंपनीचे एकूण बाजार भांडवल 98,185.55 कोटी रुपये आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Adani Total Gas Share Price NSE Live 30 July 2024.