AKI India Share Price | AKI इंडिया या स्मॉल कॅप कंपनीच्या कंपनीच्या शेअरने अल्पावधीत आपल्या गुंतवणूकदारांचे पैसे अनेक पट वाढवले आहेत. आता ही कंपनीने आपले शेअर्स स्प्लिट करणार आहे. यानंतर गुंतवणुकदारांना शेअर्स स्वस्त किमतीवर उपलब्ध होतील.
मागील शुक्रवारी AKI इंडिया कंपनीचे शेअर्स 0.70 टक्क्यांच्या वाढीसह 112.75 रुपये किमतीवर क्लोज झाले होते. या कंपनीचे एकूण बाजार भांडवल 147.98 कोटी रुपये आहे. AKI इंडिया कंपनीच्या शेअरची 52 आठवड्यांची उच्चांक पातळी किंमत 122.20 रुपये होती. तर 52 आठवड्यांची नीचांक पातळी किंमत 23.84 रुपये होती. आज सोमवार दिनांक 19 जून 2023 रोजी या कंपनीचे शेअर्स 1.38 टक्के वाढीसह 113.70 रुपये किमतीवर ट्रेड करत आहेत.
AKI इंडिया ही कंपनी मुख्यतः लेदर उत्पादने डिझाइन करण्याचे काम.करते. AKI इंडिया कंपनीने नुकताच आपले शेअर्स 1 : 5 या प्रमाणात स्प्लिट करण्याची घोषणा केली आहे. शेअरची बाजारातील तरलता वाढवण्यासाठी AKI इंडिया कंपनीने स्टॉक स्प्लिट करण्याचा निर्णय घेतला आहे.
कंपनीने स्टॉक विभाजनाची रेकॉर्ड तारीख म्हणून 22 जून 2023 हा दिवसा निश्चित केला आहे. या स्टॉक स्प्लिट अंतर्गत कंपनी 10 रुपये दर्शनी मूल्याचे शेअर्स पाच तुकड्यात विभाजित करणार आहे. स्टॉक स्प्लिट नंतर शेअरचे दर्शनी मूल्य 2 रुपये होईल.
AKI इंडिया कंपनीने स्टॉक एक्सचेंज फाइलिंगमध्ये कळवले आहे की, मार्च 2023 तिमाहीमध्ये 15.03 कोटी रुपये निव्वळ नफा कमावला आहे. मार्च 2022 तिमाहीत AKI इंडिया कंपनीचा एकूण खर्च 20.37 कोटी रुपये नोंदवला गेला होता. तर कंपनीचा निव्वळ खर्च 2022 च्या याच तिमाहीत 14.15 कोटी रुपयांवर पोहचला होता.
AKI इंडिया कंपनीने Q4FY23 मध्ये 0.23 कोटी रुपये निव्वळ नफा कमावला होता, जो Q4FY22 मध्ये 3.38 कोटी रुपये नोंदवला गेला होता. FY22 च्या मार्च तिमाहीत कंपनीने 5.48 कोटी रुपये EBITDA नोंदवला होता, जो या तिमाहीत 0.87 कोटींवर पोहोचला आहे.
मागील एका महिन्यात AKI इंडिया कंपनीच्या शेअर्सनी आपल्या गुंतवणूकदारांना 2.90% परतावा कमावून दिला आहे. मागील 6 महिन्यात या कंपनीच्या शेअरने लोकांना 40.54 टक्के परतावा कमावून दिला आहे. मागील पाच दिवसात हा स्टॉक फक्त 0.62 टक्के वाढला आहे. स्टॉक स्प्लिट मुले या कंपनीच्या शेअरची किंमत कमी होईल आणि नवीन किंमत अपडेट केली जाईल.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
