Aster DM Share Price | एस्टर डीएम हेल्थकेअर या आरोग्यसेवा सेवा प्रदान करणाऱ्या कंपनीच्या शेअर्समध्ये बुधवारी जबरदस्त तेजी पाहायला मिळाली होती. ट्रेडिंग सेशन दरम्यान एस्टर डीएम हेल्थकेअर कंपनीचे शेअर्स 20 टक्क्यांच्या वाढीसह 399.15 रुपये किमतीवर ट्रेड करत होते. दिवसा अखेर या कंपनीचे शेअर्स 396.15 रुपये किमतीवर क्लोज झाले होते. आज गुरूवार दिनांक 30 नोव्हेंबर 2023 रोजी एस्टर डीएम हेल्थकेअर कंपनीचे शेअर्स 2.63 टक्के घसरणीसह 385.05 रुपये किमतीवर ट्रेड करत आहेत.
वास्तविक, एस्टर डीएम हेल्थकेअर कंपनी भारत आणि आखाती देशांमध्ये आपला व्यवसाय करते. मंगळवारी एस्टर डीएम हेल्थकेअर कंपनीने जाहीर केलेल्या माहितीनुसार, कंपनीच्या संचालक मंडळाने आणि उपकंपनी अॅफिनिटी होल्डिंग्ज प्रायव्हेट लिमिटेडने भारत आणि गल्फ को-ऑपरेशन कौन्सिलचा व्यवसाय दोन स्वतंत्र संस्थांमध्ये विलग करण्याचा प्रस्ताव मंजूर केला आहे.
या सेपरेशन प्लॅन अंतर्गत, अॅफिनिटी होल्डिंग्ज प्रायव्हेट लिमिटेड कंपनीने एस्टर डीएम हेल्थकेअर कंपनीच्या व्यवसायात गुंतवणूक करण्यासाठी संयुक्त अरब अमिरातीमध्ये मुख्यालय असलेल्या Fajr Capital या खाजगी इक्विटी फर्मसोबत करार केला आहे.
फज्र कॅपिटल कंपनीने एस्टर डीएम हेल्थकेअर कंपनीचे 65 टक्के भाग भांडवल घेण्याचे निश्चित केले आहे. एस्टर डीएम हेल्थकेअर कंपनीचे भारत आणि GCC व्यवसायांचे एकत्रित बाजार भांडवल दोन अब्ज डॉलर्स आहे. या व्यवहारामुळे एस्टर डीएम हेल्थकेअर कंपनीच्या GCC व्यवसायाचे एंटरप्राइझ मूल्य 1.7 अब्ज डॉलर्स म्हणजेच भारतीय चलनात 13,540 कोटी रुपये आहे.
एस्टर डीएम हेल्थकेअर कंपनी गल्फ को-ऑपरेशन कौन्सिलच्या सहा देशात आरोग्य सेवा प्रदान करणारी अग्रणी कंपनी मानली जाते. आर्थिक वर्ष 2027 पर्यंत एस्टर डीएम हेल्थकेअर कंपनी आपल्या बेड क्षमतेत 1,500 खाटाची वाढ करणार आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
