Authum Investment Share Price | ऑथम इन्व्हेस्टमेंट अँड इन्फ्रास्ट्रक्चर लिमिटेड कंपनीच्या स्टॉकने अवघ्या काही वर्षात आपल्या गुंतवणूकदारांना करोडपती बनवले आहे. मागील 5 वर्षांत ऑथम इन्व्हेस्टमेंट अँड इन्फ्रास्ट्रक्चर कंपनीच्या शेअरने गुंतवणूकदारांना अल्प गुंतवणुकीवर करोडो रुपये परतावा कमावून दिला आहे. ऑथम इन्व्हेस्टमेंट अँड इन्फ्रास्ट्रक्चर या कंपनीचे एकूण बाजार भांडवल 4,857 कोटी रुपहे आहे. ही कंपनी मुख्यतः NBFC क्षेत्रात व्यवसाय करते.
ऑथम इन्व्हेस्टमेंट अँड इन्फ्रास्ट्रक्चर शेअरची आजची किंमत
मागील 5 वर्षांत या कंपनीच्या शेअरची किंमत 2.50 रुपयेवरून वाढून 286 रुपयेवर गेली आहे. या कालावधीत गुंतवणूकदारांनी तब्बल 11,340 टक्के नफा कमावला आहे. आज गुरूवार दिनांक 1 जून 2023 रोजी या कंपनीचे शेअर्स 1.40 टक्के घसरणीसह 282.00 रुपये किमतीवर ट्रेड करत आहेत.
गुंतवणुकीवर 11,340 टक्के परतावा
1 जून 2018 रोजी ऑथम इन्व्हेस्टमेंट अँड इन्फ्रास्ट्रक्चर कंपनीचे शेअर्स 2.50 रुपये किमतीवर ट्रेड करत होते. मागील 5 वर्षात या कंपनीच्या शेअरने लोकांना 11.340 टक्के परतावा कमावून दिला आहे. याचा अर्थ असा की जर तुम्ही 5 वर्षांपूर्वी या कंपनीच्या स्टॉकमध्ये 1 लाख रुपये लावले असते तर आज तुमच्या गुंतवणुकीचे मूल्य 11,340 टक्के वाढून 1.13 कोटी रुपये झाले असते.
ऑथम इन्व्हेस्टमेंट कंपनी स्टॉकची कामगिरी
ऑथम इन्व्हेस्टमेंट कंपनीच्या शेअरने मागील एका महिन्यात आपल्या शेअर धारकांना 27.08 टक्के परतावा कमावून दिला आहे. या वर्षाच्या सुरुवातीपासून शेअरची किंमत 29.50 टक्के वाढली आहे. मागील एका वर्षात या शेअरने लोकांना 75.65 टक्के नफा मिळवून दिला आहे.
मार्च 2023 तिमाहीमध्ये ऑथम इन्व्हेस्टमेंट अँड इन्फ्रास्ट्रक्चर लिमिटेडने एकत्रित निव्वळ नफ्यात 6.55 टक्के घट नोंदवली आहे. मागील वर्षी याच तिमाहीत कंपनीचा निव्वळ नफा 2073.53 कोटी रुपये होता. जो या तिमाहीत 1937.70 कोटी रुपयेवर आला आहे.
तथापि मार्च 2023 तिमाहीत कंपनीचा महसूल उणे 80.97 कोटी रुपये नोंदवला गेला होता. मागील वर्षीच्या याच तिमाहीत कंपनीने 123.69 कोटी रुपये महसूल संकलित केला होता. मार्च 2023 तिमाहीत ऑथम इन्व्हेस्टमेंट अँड इन्फ्रास्ट्रक्चर कंपनीचा ऑपरेटिंग नफा 8.10 टक्के घसरणीसह 1917.64 कोटी रुपये नोंदवला गेला आहे. मागील वर्षी याच तिमाहीत कंपनीचा ऑपरेटींग नफा 2086.64 कोटी रुपये होता.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
