Bank Account Alert | यापैकी कोणत्याही बँकेत तुमचं खातं आहे का? RBI कडून एका बँकेचे लायसन्स रद्द तर 3 बँकांवर मोठा दंड

Bank Account Alert | काही बँकांच्या सामान्य ग्राहकांसाठी अत्यंत महत्वाची अपडेट आहे. नियमांचे पालन न केल्याबद्दल आरबीआयने धनलक्ष्मी बँक आणि पंजाब अँड सिंध बँकेसह तीन बँकांना 2.49 कोटी रुपयांचा दंड ठोठावला आहे. मध्यवर्ती बँकेने ही माहिती दिली. रिझर्व्ह बँकेने धनलक्ष्मी बँकेला ‘कर्ज आणि अॅडव्हान्स – वैधानिक आणि इतर निर्बंध’, केवायसी आणि ठेवीवरील व्याजदर नियमांबाबत काही निर्देशांचे पालन न केल्याबद्दल 1.20 कोटी रुपयांचा दंड ठोठावला आहे.

पंजाब अँड सिंध बँकेला एक कोटींचा दंड
नियमांचे पालन न केल्याने आरबीआयने पंजाब अँड सिंध बँकेला एक कोटी रुपयांचा दंड ठोठावला आहे. ‘बँकांमधील ग्राहक सेवा’ या संदर्भात जारी करण्यात आलेल्या निर्देशांचे पालन न केल्याबद्दल केंद्रीय बँकेने ईएसएएफ स्मॉल फायनान्स बँकेला 29.55 लाख रुपयांचा दंड ठोठावला आहे. यापूर्वी रिझर्व्ह बँकेने सार्वजनिक क्षेत्रातील सर्वात मोठी बँक एसबीआय, खासगी क्षेत्रातील बँक एचडीएफसी आणि आयसीआयसीआय बँकेलाही अशाच प्रकरणात दंड ठोठावला आहे.

याचा ग्राहकांवर काय परिणाम होईल?
हिरीपूर अर्बन को-ऑपरेटिव्ह बँकेचा (एचएबीसी) परवाना रद्द झाल्यानंतर रिझर्व्ह बँकेने बँकेचे बँकिंग व्यवहार बंद केले आहेत. यामध्ये रोख रक्कम जमा करणे आणि पैसे काढणे या दोन्ही गोष्टींचा समावेश असतो. डिपॉझिट इन्शुरन्स अँड क्रेडिट गॅरंटी कॉर्पोरेशनकडून (डीआयसीजीसी) पाच लाख रुपयांच्या आर्थिक मर्यादेपर्यंत प्रत्येक खातेदाराला आपल्या ठेवीच्या रकमेचा दावा करण्याचा अधिकार आहे, असे रिझर्व्ह बँकेच्या वतीने सांगण्यात आले. बँकेने दिलेल्या आकडेवारीनुसार 99.93 टक्के ठेवीदारांना डीआयसीजीसीकडून त्यांचे पूर्ण पैसे मिळण्याचा हक्क आहे. दुसरीकडे ज्या बँकांवर आरबीआयने दंड ठोठावला आहे, त्यांच्या खातेदारांना या व्यवहाराचा फटका बसणार नाही.

कोणत्या बॅंकेचे लायसन्स RBI ने रद्द केलं?
भारतीय रिझर्व्ह बँकेने (आरबीआय) कमकुवत आर्थिक स्थितीचे कारण देत हिरयुर अर्बन को-ऑपरेटिव्ह बँकेचा परवाना रद्द केला आहे. रिझर्व्ह बँकेने प्रसिद्धीस दिलेल्या पत्रकात म्हटले आहे की, बँकेचे कामकाज ठेवीदारांच्या हितासाठी घातक असल्याने बँक सध्याच्या आर्थिक स्थितीसह सध्याच्या ठेवीदारांना पूर्ण पैसे देण्यास असमर्थ ठरणार आहे. बँकेला बँकिंग व्यवसाय सुरू ठेवण्यास परवानगी दिल्यास सार्वजनिक हितावर विपरीत परिणाम होईल.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title : Bank Account Alert on RBI Action check details 13 January 2024.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.