Bank FD for Tax Saving | जर तुम्ही कोणतीही जोखीम न घेता गॅरंटीड रिटर्नच्या शोधात असाल तर तुम्ही टॅक्स सेव्हिंग एफडीमध्ये गुंतवणूक करू शकता. या एफडीमध्ये १.५ लाख रुपयांची गुंतवणूक करून प्राप्तिकर कायद्याच्या कलम ८० सी अंतर्गत प्राप्तिकर वजावटीचा दावा करू शकता. जर तुमचे एकूण वार्षिक उत्पन्न 10 लाखांपेक्षा जास्त असेल तर तुम्ही तुमची आयकर बचत 46,800 पर्यंत वाढवू शकता. टॅक्स सेव्हिंग एफडीचा लॉक-इन पीरियड 5 वर्षांचा आहे. म्हणजेच यात गुंतवलेले पैसे तुम्ही 5 वर्षांपर्यंत काढू शकत नाही.
लाइव्हमिंटने दिलेल्या वृत्तानुसार, टॅक्स सेव्हिंग एफडीमध्ये गुंतवलेल्या फंडातून होणारी करबचत टॅक्स ब्रॅकेटनुसार बदलू शकते. 30 टक्के प्राप्तिकराच्या कक्षेत एक व्यक्ती 46,800 रुपये कर वजावटीचा दावा करू शकते. त्याचप्रमाणे 20 टक्के आयकर भरणाऱ्या व्यक्तीने करबचत एफडीमध्ये 1,50,000 रुपयांची गुंतवणूक केल्यास त्याला वार्षिक 31,200 रुपयांची करबचत होऊ शकते. टॅक्स सेव्हिंग एफडीवरही चांगले व्याज मिळते.
कोणती बँक किती व्याज देत आहे:
इंडियन ओव्हरसीज बँक :
सार्वजनिक क्षेत्रातील इंडियन ओव्हरसीज बँक ग्राहकांना टॅक्स सेव्हिंग एफडीवर वार्षिक ५.८५ टक्के दराने व्याज देत आहे.
कॅनरा बँक :
कॅनरा बँक आपल्या ग्राहकांना टॅक्स सेव्हिंग एफडीवर 5.75 टक्के व्याज देत आहे. पंजाब नॅशनल बँकही टॅक्स सेव्हिंग एफडीवर ५.७५ टक्के व्याज देत आहे.
युनियन बँक :
युनियन बँकेत टॅक्स सेव्हिंग फिक्स्ड डिपॉझिट केल्यास तुम्हाला ५.७५ टक्के दराने व्याज मिळेल. त्याचप्रमाणे स्टेट बँक ऑफ इंडिया आपल्या ग्राहकांना टॅक्स सेव्हिंग एफडीवर 5.65 टक्के व्याज देत आहे.
इंडसइंड बँक :
इंडसइंड बँक सध्या टॅक्स सेव्हिंग एफडीवर वार्षिक ६.७५ टक्के दराने व्याज देत आहे. येस बँकही टॅक्स सेव्हिंग एफडीवर केवळ ६.७५ टक्के व्याज देत आहे.
डीसीबी बँक :
खासगी क्षेत्रातील बँक डीसीबीही टॅक्स सेव्हिंग एफडीवर चांगला परतावा देत आहे. सध्या या एफडीवर बँक ६.६० टक्के दराने व्याज देत आहे.
आरबीएल बँक :
आरबीएल बँक ग्राहकांना टॅक्स सेव्हिंग एफडीवर ६.५५ टक्के व्याज देत आहे. त्याचप्रमाणे आयडीएफसी फर्स्ट बँकेत टॅक्स सेव्हिंग एफडी केल्यास तुम्हाला 6.50 टक्के व्याज मिळेल.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
