Bonus Share News | गेल्या वर्षभरात शेअर बाजारात चांगली कामगिरी करणाऱ्या कंपन्यांमध्ये नवकार अर्बनस्ट्रक्चर लिमिटेड चा समावेश आहे. कंपनी आता बोनस शेअर्स आणि शेअर स्प्लिटमुळे चर्चेत आहे. विशेष म्हणजे कंपनीच्या शेअरची किंमत 20 रुपयांपेक्षा कमी आहे.
या तारखेपर्यंत खरेदी कारण्यांनाही फ्री बोनस शेअर्स मिळतील
स्टॉक एक्सचेंजला दिलेल्या माहितीत कंपनीने म्हटले आहे की, 2 रुपये अंकित मूल्याच्या प्रत्येक शेअरसाठी 3 बोनस शेअर्स दिले जातील. दरम्यान, 2 रुपये अंकित मूल्य असलेले शेअर्स 2 भागांमध्ये विभागले जातील. या शेअर विभाजनानंतर कंपनीच्या शेअर्सची फेस व्हॅल्यू प्रति शेअर 1 रुपयापर्यंत कमी होईल.
नवकार अर्बनस्ट्रक्चर लिमिटेड कंपनीने बोनस शेअर्ससाठी २१ मार्च ही रेकॉर्ड तारीख निश्चित केली आहे. म्हणजे या २१ मार्चपर्यंत जे गुंतवणूकदार हा शेअर खरेदी करतील त्यांना देखील फ्री बोनस शेअर्स मिळतील.
यापूर्वी नवकार अर्बनस्ट्रक्चर लिमिटेड कंपनीचा स्टॉक स्प्लिट 2022 मध्ये झाला होता. त्यावेळी कंपनीच्या शेअर्सचे 5 तुकडे करण्यात आले होते. या शेअर स्प्लिटनंतर कंपनीच्या शेअर्सची फेस व्हॅल्यू 2 रुपये प्रति शेअर करण्यात आली होती.
शेअरने मल्टिबॅगर परतावा दिला
मागील 6 महिन्यांत कंपनीच्या शेअरच्या किंमतीत 10 टक्क्यांहून अधिक वाढ झाली आहे. वर्षभरापूर्वी कंपनीच्या शेअरच्या किंमतीत २३० टक्क्यांहून अधिक वाढ झाली होती. कंपनीचा 52 आठवड्यांचा उच्चांक 21.39 रुपये, तर 52 आठवड्यांचा नीचांकी स्तर 4.20 रुपये आहे. कंपनीचे मार्केट कॅप ३६३.५६ कोटी रुपये आहे.
