Canarys Automations IPO | कॅनरी ऑटोमेशन्स कंपनीचे IPO शेअर्स NSE SME इंडेक्सवर सूचीबद्ध झाले आहेत. कॅनरी ऑटोमेशन कंपनीचे शेअर NSE SME इंडेक्सवर प्रति शेअर 43.45 रुपये किमतीवर सूचीबद्ध झाले होते. कॅनरी ऑटोमेशन्स कंपनीने आपल्या IPO मध्ये शेअरची किंमत बँड 31 रुपये निश्चित केली होती. या कंपनीचे IPO शेअर्स 40.2 टक्के वाढीसह सूचीबद्ध झाले होते.
कॅनरी ऑटोमेशन कंपनीचा IPO बुधवार दिनांक 27 सप्टेंबर 2023 रोजी गुंतवणुकीसाठी खुला करण्यात आला होता. आज गुरूवार दिनांक 12 ऑक्टोबर 2023 रोजी कॅनरी ऑटोमेशन्स कंपनीचे शेअर्स 4.96 टक्के घसरणीसह 39.25 रुपये किमतीवर ट्रेड करत आहेत.
या IPO ची अंतिम मुदत मंगळवार दिनांक 3 ऑक्टोबर 2023 रोजी संपली होती. कॅनरी ऑटोमेशन्स कंपनीने आपल्या IPO मध्ये शेअर ची किंमत बँड 29 रुपये ते 31 रुपये दरम्यान निश्चित केली होती. कॅनरी ऑटोमेशन कंपनीने अँकर गुंतवणूकदारांकडून 10.02 कोटी भांडवल उभारणी केली होती. या कंपनीच्या IPO चा आकार 47.03 कोटी रुपये होता. या IPO अंतर्गत कंपनीने 15,172,000 फ्रेश इक्विटी शेअर्स इश्यू केले होते. या IPO मध्ये कंपनीने ऑफर फॉर सेल अंतर्गत कोणतेही शेअर्स विकले नाही.
कॅनरी ऑटोमेशन कंपनीने आपल्या आयपीओमध्ये रजिस्ट्रार म्हणून लिंक इनटाइम इंडिया प्रायव्हेट लिमिटेड कंपनीला नियुक्त केले होते. तर बुक रनिंग लीड मॅनेजर म्हणून इंडोरिएंट फायनान्शियल सर्व्हिसेस लिमिटेड कंपनीला नियुक्त केले होते.
अॅलेक्रिटी सिक्युरिटीज ही कॅनरी ऑटोमेशन कंपनीच्या IPO मध्ये मार्केट मेकर म्हणून काम हाताळत होती. या कंपनीच्या प्रवर्तक गटात मेट्टीकुर्के रामास्वामी रमण सुब्बाराव, दानवादी कृष्णमूर्ती अरुण, रघु चंद्रशेखरैया, शेषाद्री येदवनहल्ली श्रीनिवास, पुष्पराज शेट्टी, नागराजू विनीत हे सामील आहेत.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
