Credit Card Bill | क्रेडिट कार्डधारकांना आरबीआयने मोठा दिलासा दिला आहे. आता त्यांना त्यांच्या सोयीनुसार क्रेडिट कार्डचे बिलिंग सायकल निवडता येणार आहे. ते बदलण्याची संधी त्यांना एकदाच मिळणार आहे. हा नवा नियम 1 जुलै 2022 पासून लागू होणार आहे. आतापर्यंत ज्या तारखेला क्रेडिट कार्ड दिले जाते, त्यानुसार बिलिंग सायकलही बँकांकडून निश्चित केली जाते.
तर कंपन्यांना बिलाची दुप्पट रक्कम दंड :
याआधी रिझर्व्ह बँक ऑफ इंडियाने ग्राहकांच्या परवानगीशिवाय बँकांना क्रेडिट कार्ड देण्यास किंवा सध्याच्या कार्डची मर्यादा वाढवण्यास किंवा इतर सुविधा सुरू करण्यास नकार दिला होता. त्याचे पालन न केल्यास संबंधित कंपन्यांना बिलाची दुप्पट रक्कम दंड म्हणून भरावी लागणार आहे. केंद्रीय बँकेने म्हटले आहे की, ज्या व्यक्तीच्या नावाने कार्ड जारी केले जाते, ती व्यक्ती आरबीआयच्या लोकपालाकडे तक्रार करू शकते. दंडाची रक्कम लोकपाल ठरवणार .
ग्राहकांना धमकावणाऱ्यांवर कडक कारवाई :
रिझर्व्ह बँक ऑफ इंडियाने कार्ड जारी करणारे युनिट किंवा एजंट म्हणून काम करणाऱ्या थर्ड पार्ट्यांना ग्राहकांकडून थकबाकी वसूल करण्याच्या बहाण्याने धमकावणे किंवा छळ करण्यास मनाई करण्यात आली आहे. ही मार्गदर्शक तत्त्वे 1 जुलै 2022 पासून लागू होतील.
कोण करणार क्रेडिट कार्डचा व्यवसाय :
मार्गदर्शक तत्त्वांनुसार, १०० कोटी रुपयांची संपत्ती असलेल्या व्यावसायिक बँका क्रेडिट कार्ड व्यवसाय स्वतंत्रपणे सुरू करू शकतात किंवा कार्ड जारी करणाऱ्या बँका / बिगर-बँकिंग वित्तीय कंपन्यांशी (एनबीएफसी) सहमती करून हे करू शकतात. प्रादेशिक ग्रामीण बँकांनाही त्यांचे प्रायोजक किंवा इतर बँकांशी युती करून क्रेडिट कार्ड जारी करण्याची परवानगी आहे. त्याच्या मंजुरीशिवाय एनबीएफसी क्रेडिट कार्ड व्यवसाय सुरू करणार नाहीत, असे आरबीआयने स्पष्ट केले आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
