Demat Deactivated | तुमचे डीमॅट खाते डिऍक्टिव्हेट होईल | फक्त 3 दिवस उरले | हे काम लवकर करा

Demat Deactivated | 1 जुलैपासून अनेक नियम बदलणार आहेत. या सगळ्याची माहिती आवश्यक आहे अन्यथा तुमचे नुकसान होऊ शकते. यातील एक नियम डीमॅट खात्याशीही जोडलेला आहे. डीमॅट खाते म्हणजे ज्या खात्यातून तुम्ही शेअर्स खरेदी करून विक्री करता. डीमॅट खात्याच्या केवायसीची अंतिम तारीखही ३० जून आहे.

डीमॅट खाते निष्क्रिय होईल :
केवायसी न केल्यास डीमॅट खाते निष्क्रिय होईल. यामुळे शेअर बाजारात व्यापार करता येणार नाही. एखाद्या व्यक्तीने एखाद्या कंपनीचे शेअर्स खरेदी केले तरी हे शेअर्स खात्यात ट्रान्सफर करता येणार नाहीत. केवायसी पूर्ण करून पडताळणी केल्यानंतरच हे पूर्ण होऊ शकते.

तुम्हाला कोणती माहिती आवश्यक :
प्रत्येक डिमॅट अकाउंटच्या 6 डिटेल्ससह केवायसी करणं आवश्यक आहे, मात्र सर्व डिमॅट अकाऊंट्स 6 केवायसी नॉर्म्ससह अपडेट करण्यात आले नाहीत. हे 6 केवायसी फीचर्स अपडेट करण्यासाठी डिमॅट, ट्रेडिंग अकाउंट होल्डरची आवश्यकता आहे. यामध्ये नाव, पत्ता, पॅन, मोबाइल नंबर, वैध ईमेल आयडी, उत्पन्न मर्यादा यांचा समावेश आहे. 1 जून 2021 पासून उघडलेल्या नव्या डिमॅट खात्यांसाठी सर्व 6-केवायसी नियम बंधनकारक करण्यात आले आहेत.

केवायसी कशी करावी :
डीमॅट खाती डी-अॅक्टिव्ह होऊ नयेत म्हणून स्टॉक ब्रोकर्स आपल्या ग्राहकांना म्हणजेच डिमॅट ट्रेडिंग खातेधारकांना केवायसी करून घेण्याचा सल्ला देत आहेत. जवळपास सर्वच ब्रोकरेज हाऊसेस ऑनलाइन केवायसीची सुविधा देत आहेत. याशिवाय ब्रोकरेज हाऊसच्या ऑफिसमध्ये जाऊन केवायसी करून घेता येईल.

आधार-पॅन लिंक करा :
जर तुम्ही अद्याप तुमचं आधार कार्ड पॅनशी लिंक केलं नसेल, तर ते लवकर करून घ्या. जर तुम्ही 30 जून रोजी किंवा त्यापूर्वी तुमचा पॅन आधारशी लिंक केला तर तुम्हाला 500 रुपये शुल्क भरावे लागेल. त्याचबरोबर १ जुलै किंवा त्यानंतर पॅन-आधार लिंक पूर्ण झाल्यावर १ हजार रुपये शुल्क भरावे लागणार आहे. इन्कम टॅक्स पोर्टलद्वारेच तुम्ही आधार कार्ड पॅनशी सहज जोडू शकता. याशिवाय आधार सेवा केंद्रात जाऊनही तुम्ही हे काम करू शकता.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Demat Deactivated because of eKYC please check process 28 June 2022.