FD Calculator | पंजाब नॅशनल बँकेने (PNB) मुदत ठेवींवरील व्याजदरात वाढ केली आहे. नवे दर दोन कोटीरुपयांपेक्षा कमी रकमेच्या एफडीवर आहेत. बँकेने दिलेल्या माहितीनुसार, मुदत ठेवींचे नवे दर 1 नोव्हेंबर 2023 पासून लागू होतील. जाणून घेऊया एफडीचे दर सविस्तर…
सर्वसामान्य नागरिकांना किती व्याज?
पंजाब नॅशनल बँक सर्वसामान्य नागरिकांना 7 दिवस ते 10 वर्षांच्या एफडीवर 3.05 टक्के ते 7.25 टक्क्यांपर्यंत व्याज देईल. बँक 444 दिवसांच्या एफडीवर सर्वाधिक 7.25 टक्के व्याज देत आहे. पंजाब नॅशनल बँकेने 180 दिवस ते 270 दिवसांच्या एफडीवर 6 टक्के व्याज दर निश्चित केला आहे. यापूर्वी तो ५.५० टक्के होता. तर 271 दिवस ते 1 वर्षापेक्षा कमी कालावधीच्या एफडीवरील नवीन दर 5.80 टक्क्यांवरून 6.25 टक्के करण्यात आला आहे.
ज्येष्ठ नागरिकांसाठी व्याजदर किती आहे? Senior Citizen Saving Scheme
ज्येष्ठ नागरिकांसाठी 7 दिवस ते 10 वर्षांच्या एफडीवर 4 टक्के ते 7.75 टक्के व्याजदर निश्चित करण्यात आला आहे. तर ज्येष्ठ नागरिकांना ४४४ दिवसांच्या एफडीवर बँक सर्वाधिक ७.७५ टक्के व्याज देत आहे. हे दर 60 वर्षे ते 80 वर्षांपेक्षा कमी वयोगटातील लोकांना लागू असतील.
अतिज्येष्ठ नागरिकांसाठी व्याजदर किती असेल?
7 दिवस ते 10 वर्षांच्या एफडीवर बँक अतिज्येष्ठ नागरिकांना 4.30 टक्के ते 8.05 टक्क्यांपर्यंत व्याज देत आहे. 444 दिवसांच्या एफडीवर सर्वाधिक व्याज 8.05 टक्के आहे. सुपर सिटिझन म्हणजे 80 वर्षे किंवा त्यापेक्षा जास्त वयोगटातील लोक.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
