HAL Share Price | एचएएल स्टॉक मागील आठवड्यात शुक्रवारी जोरदार तेजीत व्यवहार करत होता. आज मात्र या स्टॉकमधे नफा (NSE: HAL) वसुली पाहायला मिळत आहे. जून तिमाही निकालानंतर एचएएल स्टॉक तेजीत आला होता. मागील एका वर्षात या कंपनीच्या शेअर्सने आपल्या गुंतवणूकदारांना 140 टक्क्यांपेक्षा जास्त परतावा कमावून दिला आहे. ( एचएएल कंपनी अंश )
ब्रोकरेज फर्म जेफरीजने हिंदुस्थान एरोनॉटिक्स स्टॉक 5725 रुपये टार्गेट प्राइससाठी खरेदी करण्याचा सल्ला दिला आहे. नोमुराने एचएएल स्टॉकवर 5400 रुपये टार्गेट प्राइस जाहीर केली आहे. 14 ऑगस्ट रोजी या कंपनीचा शेअर 4662 रुपये किमतीवर क्लोज झाला होता. तर आज मंगळवार दिनांक 20 ऑगस्ट 2024 रोजी एचएएल स्टॉक 1.59 टक्के घसरणीसह 4,715.90 रुपये किमतीवर ट्रेड करत आहे.
जेफरीज फर्मच्या तज्ञांच्या मते, एचएएल कंपनीचे जून तिमाहीचे निकाल अपेक्षेपेक्षा चांगले आले होते. मात्र मार्जिनवरील दबावामुळे कंपनीचा ऑपरेटिंग नफा कमी नोंदवला गेला आहे. सध्या कंपनीची ऑर्डर बुक मजबूत आहे. अशा स्थितीत पुढील 3-5 वर्षांत कंपनीची कमाई दुहेरी अंकानी वाढू शकते. एप्रिल-जून तिमाहीत HAL कंपनीचा नफा 77 टक्के आणि उत्पन्न 11 टक्केपेक्षा जास्त वाढले आहे. एचएएल कंपनीचा एकत्रित नफा 814 कोटी रुपयेवरून वाढून 1440 कोटी रुपये नोंदवला गेला आहे.
जून तिमाहीत कंपनीचे उत्पन्न 3915 कोटींवरून वाढून 4348 कोटी रुपये नोंदवले गेले आहे. मागील आठवड्यात शुक्रवारी एचएएल स्टॉक 2.5 टक्के वाढीसह 4787.70 रुपये किमतीवर ट्रेड करत होता. दीर्घ मुदतीत या स्टॉकने आपल्या गुंतवणुकदारांना जोरदार परतावा कमावून दिला आहे. मागील एका वर्षात एचएएल स्टॉकने आपल्या गुंतवणुकदारांना 140 टक्क्यांपेक्षा जास्त परतावा कमावून दिला आहे.
मागील 6 महिन्यांत या कंपनीच्या शेअर्सने आपल्या गुंतवणुकदारांना 55 टक्के नफा कमावून दिला आहे. 2024 या वर्षात एचएएल स्टॉक 67 टक्के वाढला आहे. मागील 5 वर्षात एचएएल स्टॉक 1351 टक्के मजबूत झाला आहे. या कंपनीच्या शेअर्सची 52 आठवड्यांची उच्चांक किंमत पातळी 5,675 रुपये होती. तर नीचांक किंमत पातळी 1,767.95 रुपये होती. या कंपनीचे एकूण बाजार भांडवल 3.17 लाख कोटी रुपये आहे.
