Stock To Buy | सध्या बाजारात चढ उतार कायम असताना, जर तुम्ही गुंतवणुकीसाठी स्टॉक शोधत असाल तर तुम्हाला लार्जकॅप बँकिंग स्टॉक वर लक्ष ठेवले पाहिजे. गुंतवणूक करण्यासाठी खाजगी क्षेत्रातील सर्वात मोठी ICICI बँक च्या स्टॉकवर लक्ष ठेवा. अनेक ब्रोकरेज हाऊस फर्म ICICI बँकेच्या स्टॉकमध्ये पैसे लावण्याचा सल्ला देत आहेत.
ब्रोकरेज फर्मचे म्हणणे आहे की, ICICI बँक स्टॉक नाविन्यपूर्ण आणि व्यवसाय परिवर्तनामध्ये आपल्या पियर्स बँकांच्या तुलनेत अनेक पावले पुढे आहे. बाजाराच्या पडझडीच्या आणि कठीण काळात ICICI बँकेची आर्थिक कामगिरी उत्साहवर्धक राहिली होती. बँकेच्या प्रत्येक व्यवसाय विभागात वाढ पाहायला मिळत आहे. बँकेची डिजिटल क्षमता अनेक पटींनी वाढत आहेत. या सर्व सकारात्मक बाबीत सर्वात चांगली गोष्ट म्हणजे बँकेच्या उच्च व्यवस्थापनमध्ये स्थिरता दिसून आली आहे. ICICI बँकेच्या शेअरने चालू वर्षात 22 टक्के आणि 1 वर्षात 32 टक्के परतावा कमावून दिला आहे.
ब्रोकरेज हाऊस एमके ग्लोबलचे मत :
ब्रोकरेज हाऊस एमके ग्लोबल फर्मचे म्हणणे आहे की, ICICI बँकेच्या शेअर्समध्ये सातत्याने वाढ होत आहे, आणि त्यातून गुंतवणूकदारांनी भरपूर मोठा नफा कमावला आहे. ICICI बँकेची आर्थिक कामगिरी उत्कृष्ट आहे. सप्टेंबर 2022 च्या तिमाहीत ICICI बँकेने अपेक्षेपेक्षा खूप चांगले निकाल दिले होते. बँकेच्या स्टॉप व्यवस्थापनमध्ये स्थिरता दिसून येत आहे. बँकेचे बाजार भांडवल आणि बफर फंड देखील मजबूत आहे. ब्रोकरेज हाऊसने ICICI बँकेच्या स्टॉकवर बाय टॅग देऊन स्टॉक खरेदी करण्याचा सल्ला दिला आहे. तज्ञांनी ICICI बँकेच्या स्टॉकची लक्ष्य किंमत 1,170 रुपयेवरून 1,225 रुपये अपडेट केली आहे. सध्याच्या 931 रुपयांच्या बाजार भावानुसार ICICI बँकेच्या स्टॉकमध्ये खरेदी केल्यास 34 टक्के परतावा मिळू शकतो.
ब्रोकरेज फर्मच्या मते ICICI बँकेचे संपूर्ण लक्ष रिटेल आणि एसएमई उद्योगावर केंद्रित आहे. रिटेल बँकिंग सेक्टर आणि एसएमई बिझनेस बँकिंग हे बँक उद्योग विकासाचे मुख्य चालक घटक आहेत. बँक कॉर्पोरेट सेवांवरही लक्ष देत आहे. यातील सकारात्मक बाब म्हणजे ICICI बँक आता ‘बँक टू बँक’ टेकमध्ये परिवर्तन करण्याचा प्रयत्न करत आहे. ICICI बँकेने मागील काही वर्षांमध्ये सर्व व्यावसायिक क्षेत्रांमध्ये आपली गुंतवणूक वाढवली आहे. बँक व्यवस्थापनाचे लक्ष खर्च आणि जोखीम कमी करण्यासोबतच नफा वाढवण्यावर आणि अधिक महसूल संकलित करण्यावर आहे.
ब्रोकरेज हाऊस मोतीलाल ओसवालचे मत :
ब्रोकरेज फर्म मोतीलाल ओसवाल यांनी ICICI बँकेच्या स्टॉकसाठी 1150 रुपयांची लक्ष्य किंमत जाहीर केली असून स्टॉक खरेदी करण्याची शिफारस केली आहे. सध्याच्या किंमतीनुसार गुंतवणूक केल्यास हा स्टॉक तुम्हाला पुढील काळात 24 टक्के परतावा देऊ शकतो. ब्रोकरेज फर्मचे म्हणणे आहे की बँक व्यवस्थापन आपली डिजिटल क्षमता आणि टेक्नोलॉजी वाढवत आहे. ICICI बँकेने आपल्या ग्राहकांना उत्तम डिजिटल सेवा आणि उत्तम ग्राहक अनुभव देण्यासाठी विविध प्लॅटफॉर्मची निर्मिती केली आहे. बँकेचे मुख्य लक्ष PPOP च्या वाढीवर केंद्रित आहे. व्यवसाय परिवर्तनाच्या बाबतीत ICICI बँक आपल्या स्पर्धक बँकेच्या अनेक पावले पुढे आहे. आर्थिक वर्ष 2022-24 मध्ये ICICI बँकेच्या कर्जात 20 टक्के CAGR वाढ अपेक्षित आहे. आणि आर्थिक वर्ष 2023-24 साठी बँकेचे RoA/RoE अनुक्रमे 2.1 टक्के / 17.2.टक्के राहण्याचा अंदाज तज्ञांनी व्यक्त केला आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
