Income Tax Exemptions | सन २०२३चा अर्थसंकल्प सादर करण्याची तारीख जवळ येत असल्याने करसवलतीच्या हालचाली वाढत आहेत. यावेळी आयकर सूट मर्यादेत वाढ करण्याची अपेक्षा नोकरी शोधणाऱ्याला आहे. दरम्यान, अर्थमंत्री निर्मला सीतारामन यांनी टॅक्स सवलतीबाबत मोठं वक्तव्य केलं आहे. त्या म्हणाल्या की, कमी उत्पन्न गटातील लोकांना कमी टॅक्स भरावा लागेल यासाठी सरकारने सात टॅक्स स्लॅबसह पर्यायी आयकर प्रणाली आणली आहे. सीतारमण म्हणाल्या की, प्रत्येक करदाता जुन्या करप्रणालीत सुमारे 7-10 मार्गांनी सूटचा दावा करू शकतो.
नव्या प्रणालीत सवलत नाही
जुन्या करप्रणालीत उत्पन्न यादीनुसार प्राप्तिकराचे दर १०, २० ते ३० टक्क्यांच्या दरम्यान असतात. अर्थमंत्री म्हणाल्या की, जुन्या कर प्रणालीबरोबरच सरकारने आणखी एक प्रणाली आणली आहे, ज्यात कोणत्याही प्रकारची सूट नाही, परंतु ती सोपी आहे आणि त्यावर कमी कर आहे. सीतारामन म्हणाल्या, ‘कमी उत्पन्न गटातील लोकांसाठी कमी दर असावेत, यासाठी मला सात स्लॅब तयार करावे लागले.
2020-21 च्या अर्थसंकल्पात पर्यायी आयकर प्रणाली लागू करण्यात आली
ऑब्झर्व्हर रिसर्च फाउंडेशनचे उपाध्यक्ष गौतम चिकरमाणे यांच्या ‘रिफॉर्म नेशन’ या पुस्तकाच्या प्रकाशनप्रसंगी अर्थमंत्री बोलत होत्या. “सरकारने केंद्रीय अर्थसंकल्प 2020-21 मध्ये पर्यायी आयकर प्रणाली लागू केली होती, ज्याअंतर्गत व्यक्ती आणि हिंदू अविभक्त कुटुंबांवर (एचयूएफ) कमी दराने कर आकारला जात होता. मात्र, भाडे भत्ता, गृहकर्जावरील व्याज आणि ८०सी अंतर्गत गुंतवणूक अशा अन्य करसवलती या व्यवस्थेत दिल्या जात नाहीत.
प्राप्तिकर सवलतीची मर्यादा ५ लाख रुपये करावी
प्राप्तिकर सवलतीची मर्यादा अडीच लाखांवरून पाच लाख रुपये करावी, अशी मागणी करदाते अनेक दिवसांपासून सरकारकडे करत आहेत. यासोबतच ८०सीमध्ये गुंतवणुकीची पात्रता वाढविण्याची मागणीही केली जात आहे. सरकारकडून मागण्या मान्य होतात का, हे पाहणे औत्सुक्याचे ठरणार असून १ फेब्रुवारी रोजीच्या अर्थसंकल्पात त्याची घोषणा होऊ शकते.
टॅक्स वाचविण्यासाठी १० पर्याय :
* राष्ट्रीय पेन्शन प्रणाली (एनपीएस)
* हेल्थ इन्शुरन्स (८०डी)
* शैक्षणिक कर्ज (८० ई)
* गृहकर्ज व्याज (कलम २४)
* पहिल्यांदा घर खरेदी करणे (८०ईई)
* एचआरए (80 जीजी)
* बचत बँक व्याज (८० टीटीए)
* विशेष रोगाचे उपचार (80DDB)
* डोनेशन (८० जी)
* विकलांग वैद्यकीय खर्च (80डीडी)
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
