Integra Essentia Share Price | इंटेग्रा एसेंशिया कंपनीचे शेअर्स सोमवारी 10 टक्के वाढीसह 4.41 रुपये किमतीवर ट्रेड करत होते. तर आज देखील हा स्टॉक अप्पर सर्किटमध्ये अडकला आहे. या कंपनीच्या शेअर्समध्ये वाढ होण्याचे मुख्य कारण म्हणजे, नुकताच कंपनीला कृषी आणि पायाभूत सुविधा संबंधित व्यवसायासाठी 280 दशलक्ष रुपये मूल्याची ऑर्डर मिळाली आहे. ( इंटेग्रा एसेंशिया कंपनी अंश )
या कंपनीच्या शेअर्सची 52 आठवड्यांची उच्चांक किंमत पातळी 7.69 रुपये होती. तर नीचांक किंमत पातळी 2.50 रुपये होती. या कंपनीचे एकूण बाजार भांडवल 469.78 कोटी रुपये आहे. आज मंगळवार दिनांक 13 ऑगस्ट 2024 रोजी इंटेग्रा एसेंशिया स्टॉक 10.00 टक्के वाढीसह 4.84 रुपये किमतीवर ट्रेड करत आहे. जून तिमाही निकालांनुसार इंटेग्रा एसेंशिया कंपनीची निव्वळ विक्री 56.5 टक्क्यांनी वाढून 86.06 कोटी रुपये नोंदवली गेली होती. तसेच कंपनीचा ऑपरेटिंग नफा 52.3 टक्क्यांनी वाढून 4.09 कोटी रुपये नोंदवला गेला आहे.
जून तिमाहीत कंपनीचा निव्वळ नफा 111.8 टक्क्यांनी वाढून 2.36 कोटी रुपये नोंदवला गेला होता. संपूर्ण आर्थिक वर्ष 2023-24 मध्ये इंटेग्रा एसेंशिया कंपनीची निव्वळ विक्री 50.4 टक्क्यांनी वाढून 277.27 कोटी रुपये नोंदवली गेली होती. तर कंपनीचा निव्वळ नफा 131.4 टक्क्यांनी वाढून 15.28 कोटी रुपये नोंदवला गेला होता.
इंटेग्रा एसेंशिया ही कंपनी मुख्यतः अन्न, वस्त्र, इन्फ्रा आणि ऊर्जा या क्षेत्रांमध्ये व्यवसाय करते. ही कंपनी IEL उत्पादने आणि सेवा प्रदान करण्याचा व्यवसाय करते. या कंपनीच्या पोर्टफोलिओमध्ये कृषी उत्पादने, कापड आणि पोशाख, बांधकाम साहित्य, अक्षय ऊर्जा उपकरणे आणि बरेच काही सामील आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
