IRFC Vs Titagarh Rail Share | सोमवारच्या ट्रेडिंग सेशनमध्ये भारतीय शेअर बाजार अस्थिर असताना टिटागड रेल सिस्टम्स लिमिटेड कंपनीचे शेअर्स 1.58 टक्क्यांच्या वाढीसह 799 रुपये किमतीवर ट्रेड करत होते. तर आज या कंपनीच्या शेअरमध्ये किंचित घसरण पहायला मिळत आहे. टिटागढ रेल सिस्टम्स कंपनीचे एकूण बाजार भांडवल 10,160 कोटी रुपये आहे. टिटागड रेल सिस्टीम कंपनीच्या शेअर्सची 52 आठवड्यांची उच्चांक किंमत पातळी 867 रुपये होती. तर नीचांक किंमत पातळी 433 रुपये होती.
मागील 5 दिवसांत या कंपनीचे शेअर्स 5 टक्के वाढले आहेत. तर मागील 6 महिन्यांत या कंपनीच्या शेअरने आपल्या गुंतवणुकदारांना 71 टक्के परतावा कमावून दिला आहे. आज मंगळवार दिनांक 7 नोव्हेंबर 2023 रोजी टिटागढ रेल सिस्टम्स स्टॉक 0.057 टक्के घसरणीसह 791.10 रुपये किमतीवर ट्रेड करत आहे.
टीटागढ रेल सिस्टीम्स कंपनीच्या ऑर्डर बुकचा आकार 27,890 कोटी रुपये आहे. मागील काही दिवसांपासून परकीय गुंतवणूकदारांनी टिटागड रेल सिस्टीम कंपनीमध्ये गुंतवणूक करायला सुरुवात केली आहे. या कंपनीने टिटागड, बॅरकपूर येथे आपले दुसरे स्वदेशी डायव्हिंग सपोर्ट क्राफ्ट निर्माण केले आहे. टिटागढ रेल सिस्टम्स कंपनी या प्रोजेक्टमध्ये भारतीय नौदलासोबत काम करत आहे.
भारतीय नौदलाने टिटागड कंपनी शिपयार्डमधून दुसरे डायव्हिंग सपोर्ट क्राफ्ट लाँच केले आहे ज्यात कॅटामरन प्रकार स्वदेशी डायव्हिंग उपकरणांनी सुसज्ज आहे ज्यात कमांड क्लिअरन्स, डायव्हिंग टीम इत्यादी सुविधा असणार आहेत. भारत सरकारच्या संरक्षण मंत्रालयाच्या अंतर्गत मेक इन इंडिया धोरणाचा फायदा घेण्यासाठी टिटागड रेल्वे कंपनीला हे काम देण्यात आले आहे.
2023 या वर्षात जून 2023 मध्ये टिटागढ रेल सिस्टम्स कंपनीने BHEL आणि RKFL या सरकारी कंपन्या सोबत दोन स्वतंत्र करार केले आहेत. भारत हेवी इलेक्ट्रिकल्स लिमिटेड आणि टिटागढ वॅगन्स लिमिटेड या दोन्ही कंपन्यांनी 2019 पर्यंत 80 वंदे भारत स्लीपर ट्रेन्स बनवण्याचा कॉन्ट्रॅक्ट केला आहे.
टिटागढ रेल सिस्टम्स कंपनीला पुढील 35 वर्षासाठी वंदे भारत ट्रेन्सचे देखरेख करण्याचे काम देण्यात आले आहे. भारतीय रेल्वेने एवढे मोठे कंत्राट एखाद्या भारतीय कंपनीला देण्याची ही पहिलीच वेळ मानली जात आहे. भारत हेवी इलेक्ट्रिकल्स लिमिटेड आणि टिटागड वॅगन यांनी सुरू केलेल्या या संयुक्त उपक्रम अंतर्गत वंदे भारत ट्रेनचे संपूर्ण डिझाइन आणि उत्पादन केले जाणार आहे. या कॉन्ट्रॅक्टचे एकूण मूल्य 24000 कोटी रुपये आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
