JBM Auto Share Price | जेबीएम ऑटो कंपनीचे शेअर्स मंगळवारच्या ट्रेडिंग सेशनमध्ये 10.1 टक्के वाढीसह 2060.60 रुपये किमतीवर ट्रेड करत होते. आज मात्र या कंपनीच्या शेअर्समध्ये प्रचंड विक्रीचा दबाव पाहायला मिळत आहे. नुकताच या कंपनीला 1,390 इलेक्ट्रिक बसेसचा पुरवठा करण्याचे 7,500 कोटी रुपये मूल्याचे कॉन्ट्रॅक्ट मिळाले आहे. जेबीएम ऑटो कंपनीला PM-eBus सेवा योजनेअंतर्गत 1,390 इलेक्ट्रिक बस आणि त्या संबंधित इलेक्ट्रिक इन्फ्रा विकसित करण्याचे काम मिळाले आहे. या कॉन्ट्रॅक्टचे एकूण मूल्य 7,500 कोटी रुपये असेल. ( जेबीएम ऑटो कंपनी अंश )
भारत सरकारने मागील वर्षी ऑगस्ट 2023 मध्ये पीएम-ईबस सेवा योजनेची घोषणा केली होती. या योजने अंतर्गत सार्वजनिक खाजगी भागीदारी अंतर्गत देशातील 169 शहरांमध्ये 10,000 इलेक्ट्रिक बसेसचा पुरवठा करण्यात येणार आहे. आज बुधवार दिनांक 20 मार्च 2024 रोजी जेबीएम ऑटो स्टॉक 1.94 टक्के घसरणीसह 1,860 रुपये किमतीवर ट्रेड करत आहेत.
नुकताच जेबीएम ऑटो कंपनीने स्टॉक एक्स्चेंज नियामक सेबीला माहिती दिली आहे की, कंपनीने JBM Ecolife Mobility Pvt Ltd या उपकंपनीला L1 दर्जा दिला आहे. या कंपनीला PM-eBus सेवा योजनेअंतर्गत 1,390 इलेक्ट्रिक बसेसची खरेदी, पुरवठा ऑपरेशन आणि देखभाल आणि नागरी पायाभूत सुविधांच्या विकासाचा पुरवठा करण्यासाठी ऑपरेटर म्हणून नेमण्यात आले आहे. या ऑर्डरचे एकूण मूल्य 7,500 कोटी रुपये असून त्यांची पूर्तता करण्यासाठी 12-18 महिन्यांची मुदत देण्यात आली आहे.
मागील 12 महिन्यांत जेबीएम ऑटो कंपनीच्या शेअर्सची किंमत 225 टक्के मजबूत झाली आहे. मागील पाच वर्षांत या कंपनीच्या शेअर्सने आपल्या गुंतवणुकदारांना 1,711.96 टक्के परतावा कमावून दिला आहे. या काळात कंपनीच्या शेअर्सची किंमत 105 रुपयेवरून वाढून सध्याच्या किमतीवर पोहचली आहे. कंपनीच्या वरिष्ठ अधिकाऱ्याच्या मते, चालू आर्थिक वर्षात जेबीएम ऑटो कंपनी 5,000 कोटी रुपये महसूल संकलित करण्याची शक्यता आहे. या आर्थिक वर्षात जेबीएम ऑटो कंपनी आपल्या बस उत्पादन व्यवसायातून 900 कोटी रुपये महसूल संकलित करुस शकते.
जेबीएम ऑटो कंपनीने ईव्ही बस व्यवसायावर अधिक लक्ष देण्यासाठी एका उपकंपनीची स्थापना केली आहे. या उपकंपनीमध्ये जेबीएम ऑटो कंपनीचे 85 टक्के भाग भांडवल असेल. जेबीएम ऑटो कंपनीने 2024 या वर्षात 1,000-1,500 बसेस वितरित करण्याचे लक्ष्य निर्धारित केले आहे. चालू आर्थिक वर्षाच्या पहिल्या 9 महिन्यांत जेबीएम ऑटो कंपनीने 700 बसेसचे वितरण केले आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
