NTPC Share Price | डिसेंबर तिमाहीत पीएसयू एनटीपीसी लिमिटेड कंपनीच्या निव्वळ नफ्यात केवळ एक अंकी वाढ झाली आहे. मात्र स्टॉक मार्केट तज्ज्ञांच्या मते आर्थिक वर्ष 2026-27 मध्ये एनटीपीसी लिमिटेड कंपनीच्या कोळसा प्रकल्पांना प्रोत्साहन मिळण्याची अपेक्षा आहे. तसेच नियोजित औष्णिक आणि नवीकरणीय ऊर्जा कॅपेक्स वेळेवर कार्यान्वित करणे, सहाय्यक कंपन्यांचे वाढते योगदान आणि संयुक्त उद्यम नफ्यामुळे एनटीपीसी कंपनीच्या एकत्रित नफ्यात वाढ होऊ शकते असा अंदाज तज्ज्ञांनी व्यक्त केला आहे.
ब्रोकरेज फर्मने टार्गेट प्राईस जाहीर केल्या
इनक्रेड इक्विटीज ब्रोकरेज फर्मच्या स्टॉक मार्केट विश्लेषकांनी एनटीपीसी शेअरसाठी ‘ADD’ रेटिंग आणि एसओटीपी आधारित 385 रुपये टार्गेट प्राईस जाहीर केली आहे. त्याचप्रमाणे जेफरीज ब्रोकरेज फर्मने देखील एनटीपीसी शेअरसाठी ‘बाय’ रेटिंग कायम ठेवली आहे. तसेच या शेअरसाठी ५०० रुपये टार्गेट प्राईस जाहीर केली आहे. ब्रोकरेजला चौथ्या तिमाहीत कंपनी दमदार कामगिरी करेल अशी अपेक्षा आहे.
बर्नस्टीन रिसर्च ब्रोकरेज फर्म – स्टॉक रेटिंग
बर्नस्टीन रिसर्च ब्रोकरेज फर्मने एनटीपीसी शेअरसाठी ‘आउटपरफॉर्म’ रेटिंग कायम ठेवली आहे. ब्रोकरेज फर्मने एनटीपीसी शेअरसाठी ४४० रुपये टार्गेट प्राईस जाहीर केली आहे. तसेच सीएलएसए ब्रोकरेज फर्मने सुद्धा एनटीपीसीवर ‘आउटपरफॉर्म’ रेटिंग कायम ठेवताना ४५९ रुपये टार्गेट प्राईस दिली आहे.
नुवामा ब्रोकरेज फर्म – स्टॉक रेटिंग
आर्थिक वर्ष 2024-27 मध्ये 23 गिगावॅट थर्मल/आरई कॅपेक्स आणि सीईआरसी प्रोत्साहन वाढण्याची शक्यता यामुळे 10 टक्के ईपीएस सीएजीआर असूनही नुवामा ब्रोकरेज फर्मने एनटीपीसी कंपनी शेअरबाबत सकारात्मक संकेत दिले आहेत. नुवामा ब्रोकरेज फर्मने आर्थिक वर्ष 2027 ई एसए बुकवर 412 रुपयांच्या सुधारित टार्गेट प्राईससह शेअरला ‘BUY’ रेटिंग दिली आहे.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
