NTPC Share Price | एनटीपीसी आणि बीएचईएल या दोन्ही सरकारी कंपन्यांनी 800 मेगावॅट क्षमतेचा अल्ट्रा सुपर क्रिटिकल थर्मल पॉवर प्लांट उभारण्यासाठी संयुक्त उपक्रम स्थापन करण्याचा करार केला आहे. यासाठी आवश्यक आर्थिक सहाय्य भारत सरकार करणार आहे.
निर्मला सीतारामन यांनी 800 मेगावॅट अल्ट्रा सुपर क्रिटिकल थर्मल पॉवर प्लांटसाठी संयुक्त उपक्रम स्थापन करण्याची घोषणा केल्यानंतर मंगळवारी एनटीपीसी आणि बीएचईएल स्टॉक तेजीत आले होते. आज बुधवार दिनांक 24 जुलै 2024 रोजी एनटीपीसी स्टॉक 1.20 टक्के वाढीसह 387.05 रुपये किमतीवर ट्रेड करत आहे. तर बीएचईएल स्टॉक 0.28 टक्के वाढीसह 308.20 रुपये किमतीवर ट्रेड करत आहे.
बीएचईएल कंपनीचे शेअर्स मंगळवारी 5.58 टक्क्यांच्या वाढीसह 315.50 रुपये किमतीवर ट्रेड करत होते. मंगळवारी इक्विटी मार्केटमधील विक्रीच्या दबावामुळे हा स्टॉक लाल रंगात बंद झाला होता. त्याच्या आदल्या दिवशी हा स्टॉक 298.85 रुपये किमतीवर क्लोज झाला होता. बीएचईएल या सरकारी कंपनीचे एकूण बाजार भांडवल 1.05 लाख कोटी रुपये आहे.
एनटीपीसी स्टॉक मंगळवारी 3 टक्क्यांपेक्षा जास्त वाढीसह 385.85 रुपये किमतीवर पोहचला होता. त्यानंतर शेअरमध्ये पडझड वाढली आणि शेअर 369.10 रुपये किमतीवर क्लोज झाला. या कंपनीचे एकूण बाजार भांडवल 3.55 लाख कोटी रुपये आहे.
अल्ट्रा सुपरक्रिटिकल पॉवर प्लांट पाण्याच्या क्रिटिकल बिंदूपेक्षा जास्त तापमान आणि दाबांवर काम करतात. म्हणजे तापमान आणि दाब यामुळे पाण्याचे द्रव आणि वायूचे टप्पे समतोल स्थितीत राहतात, आणि त्या बिंदूवर, बाष्प आणि द्रव यांच्यात कोणताही फरक राहत नाही. भारतातील पहिला अल्ट्रा सुपरक्रिटिकल पॉवर प्लांट एनटीपीसी कंपनीद्वारे मध्यप्रदेश राज्यात 2019 मध्ये उभारण्यात आला होता. या प्लांटची एकूण वीज निर्मिती क्षमता 660 MW होती.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
