PPF calculator | या योजनेत अधिकाधिक गुंतवणूक केल्यास तयार होईल 1 कोटींचा निधी, अधिक जाणून घ्या

PPF calculator | पीपीएफ ही एक सेवानिवृत्ती-केंद्रित गुंतवणूक योजना आहे जी दीर्घकालीन महागाईपेक्षा जास्त परतावा मिळविण्यात मदत करते. वेळोवेळी केलेल्या गुंतवणुकीमुळे दीर्घ मुदतीमध्ये तुमच्यासाठी एक कोटी रुपयांपेक्षा जास्त निधी तयार होण्यास मदत होऊ शकते.

जाणून घ्या कशी जमा होईल रक्कम:
पीपीएफचा व्याजदर दर तीन महिन्यांनी बदलत असतो. सध्या पीपीएफवर वार्षिक व्याजदर 7.1 टक्के आहे. दरमहा व्याज मोजले जाते. पीपीएफमध्ये 15 वर्षांसाठी गुंतवणूक करावी लागते, म्हणूनच याला दीर्घकालीन गुंतवणूक पर्याय म्हणतात. जर तुम्हाला पैशाची गरज नसेल तर 5-5 वर्षांच्या ब्लॉकमध्ये तुम्ही त्याचा कालावधी दोनदा वाढवू शकता, म्हणजेच 25 वर्षांपर्यंत तुम्ही यात गुंतवणूक करू शकता. यासाठी तुम्हाला पीपीएफ अकाउंट एक्स्टेंशन फॉर्म भरावा लागेल.

डिपॉझिट जितके जास्त असेल तितका परतावा जास्त :
याचं वैशिष्ट्य म्हणजे, तुम्ही त्यात जितका जास्त वेळ पैसा ठेवता, तितका तो वाढत जातो.

ग्रोवच्या हिशोबानुसार : Groww App
इन्व्हेस्टमेंट प्लॅटफॉर्म ग्रोवच्या हिशोबानुसार, जर कोणी महिन्याला १२,५०० रुपये जमा केले (जी पीपीएफसाठीची सर्वोच्च मासिक मर्यादा आहे) जमा केली आणि १५ वर्षे असेच चालू ठेवले तर त्याला मॅच्युरिटीवर ४३ लाख रुपये (व्याज दर ७.१ टक्के राहिल्यास) मिळू शकतात.

1 कोटीचा निधी कसा तयार करणार :
आता मॅच्युरिटीच्या एका वर्षाच्या आत हे अकाउंट पाच वर्षांसाठी वाढवून तुम्ही अधिक फायदे घेऊ शकता. अशा परिस्थितीत जर तुम्ही 20 वर्षांसाठी वर्षाला दीड लाख रुपये जमा केले तर तुमची पीपीएफ शिल्लक 73 लाख रुपयांपर्यंत पोहोचेल. त्याचबरोबर ही गुंतवणूक तुम्ही पाच वर्षे आणि म्हणजे २५ वर्षे सुरू ठेवली तर मॅच्युरिटीवर तुम्हाला सुमारे १.१६ कोटी रुपयांची रक्कम मिळेल. म्हणजेच योग्य गुंतवणूक आणि संयमाच्या माध्यमातून तुम्हाला मजबूत परतावा मिळू शकतो.

आपणास टॅक्स सूट मिळू शकते:
पीपीएफमधील आपली गुंतवणूक कराच्या जाळ्यात येत नाही. या योजनेत एक्सझेम्प्ट, एक्सझेम्प्ट, एक्सझेम्प्ट (ईईई) दर्जा आहे. याचा अर्थ असा की आपण जमा केलेल्या पैशावर कर आकारला जात नाही. आपल्या गुंतवणुकीवरील व्याजावर कर आकारला जात नाही. शेवटी मॅच्युरिटीच्या रकमेवरही कर लागत नाही. अशा प्रकारे तुमची गुंतवणूक पूर्णपणे करमुक्त असते. तसेच, पीपीएफवरील कर वाचवण्याच्या दृष्टीने वजावटीचा लाभ मिळतो. कलम ८० सी अंतर्गत गुंतवणूक साधनात याचा समावेश आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: PPF calculator to get 1 crore rupees check details 14 August 2022.