PPF Investment | या योजनेत रोज 417 रुपये जमा करून 1 कोटी परतावा मिळेल, सामान्य लोकांची आवडती गुंतवणूक योजना, अधिक जाणून घ्या

PPF Investment | पब्लिक प्रॉव्हिडंट फंड म्हणजेच PPF ही भारत सरकारची लहान बचतकर्त्यांना जबरदस्त लाभ देणारी एक गुंतवणूक योजना आहे. ज्यांना शेअर मार्केटमध्ये जोखीम घेऊन गुंतवणूक करण्यात कोणताही रस नाही त्यांच्यासाठी PPF हा एक गुंतवणुकीचा चांगला पर्याय मानला जातो. ही भारतातील सर्वात लोकप्रिय सरकार द्वारे संचालित बचत योजनांपैकी एक आहे. पीपीएफ ही अश्या काही योजनांपैकी एक आहे जी पूर्णपणे करमुक्त बचत पर्याय उपलब्ध करून देते. PPF भारतीयांसाठी एक शक्तिशाली गुंतवणूक साधन बनले आहे ज्यामध्ये ते भरघोस कर लाभ घेऊ शकतात.

PPF वर व्याज आणि मॅच्युरिटी :
सध्या पीपीएफ योजनेत वार्षिक 7.1 टक्के व्याज परतावा दिला जातो. परतावा व्याजाची गणना मासिक आधारावर केली जाते. नियमांनुसार, गुंतवणूकदार त्यांचे पैसे त्यांच्या पीपीएफ खात्यात सलग 15 वर्षेसाठी ठेवू शकतात. जर तुम्हाला 15 वर्ष पूर्ण झाल्यावर पैशाची गरज नसेल, तर तुम्ही पीपीएफ खात्यातील गुंतवणुकीचा कालावधी पुढील आवश्यक तेवढ्या वर्षांनी वाढवू शकता. जबरदस्त व्याज परतावा, भरपूर लोकप्रियता, कमी जोखीम आणि करमुक्त स्वरूपासह, PPF मध्ये योग्य प्रकारे गुंतवणूक केल्यास गुंतवणूकदारांना 1 कोटी रुपयांपर्यंत परतावा मिळू शकतो. यासाठी गुंतवणूकदारांनी खाली दिलेल्या काही नियमांचे पालन करावे.

दररोज 417 रुपये गुंतवणूक केल्यास तुम्हाला 1 कोटी परतावा सहज मिळू शकतो. तुम्ही तुमच्या PPF खात्यात दररोज फक्त 417 रुपये गुंतवल्यास तुमची मासिक गुंतवणुक मूल्य सुमारे 12,500 रुपये होईल. याचा अर्थ तुम्ही तुमच्या पब्लिक प्रॉव्हिडंट फंड खात्यात दरवर्षी 1.5 लाख रुपयांपेक्षा अधिक रक्कम गुंतवणूक कराल. 1.5 लाख रुपये ही या योजनेतील कमाल गुंतवणुकीची मर्यादा आहे. 15 वर्षांमध्ये, तुमची एकूण ठेव रक्कम 40.58 लाख रुपये होईल. त्यानंतर तुम्हाला PPF चा कालावधी आणखी 5 वर्षांसाठी दोनदा वाढवावा लागेल.

मॅच्युरिटीवर 1 कोटी :
जर तुम्ही PPF मध्ये गुंतवणूक वयाच्या 25 व्या वर्षापासून ते वयाच्या 50 व्या वर्षापर्यंत म्हणजेच 25 वर्षांपर्यंत चालू ठेवली तर तुम्हाला मॅच्युरिटीवर मिळणारी एकूण परतावा रक्कम 1.03 कोटी रुपये असेल. या योजनेत मिळणारी परतावा रक्कम पूर्णपणे करमुक्त आहे. 25 वर्षात तुम्ही जमा केलेली एकूण रक्कम सुमारे 37 लाख रुपये असेल आणि त्यावर मिळणारे मिळणारे व्याज सुमारे 66 लाख रुपये असेल.

500 रुपये गुंतवणूक करून खाते उघडा :
तुमच्या गुंतवणुकीवर उच्च परतावा मिळवण्याचा सर्वोत्तम मार्ग म्हणजे दर महिन्याच्या 1 ते 5 तारखेदरम्यान पैसे जमा करणे कारण या योजनेत व्याजाची गणना दर महिन्याला केली जाते. जर तुम्ही कमाल रक्कम गुंतवू शकत नसाल, तर तुमच्यावर कोणतीही सक्ती नाही. पब्लिक प्रॉव्हिडंट फंड, किंवा PPF, गुंतवणुकीच्या बाबतीत अतिशय लवचिक योजना आहे. कारण कोणतीही व्यक्ती त्यांच्या खात्यात वार्षिक किमान 500 रुपये गुंतवून या योजनेचा लाभ घेऊ शकतात.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title| PPF Investment For long term benefits and returns on 11 September 2022.