RVNL Share Price | भारतीय शेअर बाजारात सूचीबद्ध असलेले IRFC, RVNL, IRCON या सर्व कंपन्याचे शेअर्स सोमवारी मोठ्या प्रमाणात घसरले होते. जागतिक नकारात्मक संकेत, परकीय गुंतवणुकीचे निर्गमन आणि मध्य पूर्व आशियामध्ये निर्माण झालेली युद्धजन्य परिस्थिती यामुळे शेअर बाजारात मंदी आली आहे. याचा परिमाण भारतातील सरकारी कंपन्याच्या शेअर्सवर देखील पाहायला मिळत आहे. यामधे रेल्वे स्टॉक सर्वात जास्त प्रभावित झालेले आपण पाहू शकतो.
आयआरएफसी कंपनीचे शेअर्स 15 जुलै रोजी 229 रुपये किमतीवर पोहचले होते. या किमतीवरून हा स्टॉक 20 टक्के घसरला आहे. आज मंगळवार दिनांक 6 ऑगस्ट 2024 रोजी आयआरएफसी स्टॉक 1.29 टक्के घसरणीसह 177.07 रुपये किमतीवर ट्रेड करत आहे. रेल विकास निगम कंपनीचे शेअर्स 15 जुलै रोजी 647 रुपये किमतीवर ट्रेड करत होते. या किमतीवरून हा स्टॉक 16 टक्के घसरला आहे.
आज मंगळवार दिनांक 6 ऑगस्ट 2024 रोजी आरव्हीएनएल स्टॉक 0.16 टक्के वाढीसह 551.70 रुपये किमतीवर ट्रेड करत आहे. IRCON इंटरनॅशनल कंपनीचे शेअर्स 351.65 रुपये या आपल्या विक्रमी उच्चांक किमतीवरून 24 टक्के खाली आले आहेत. तर RailTel कंपनीचे शेअर्स 618 रुपये या विक्रमी उच्चांक किमतीवरून 24 टक्के खाली आले आहेत.
RailTel कंपनीचे शेअर्स आपल्या विक्रमी उच्चांकावरून 24 टक्के घसरून देखील किंमत-ते-कमाईच्या तुलनेत 38.9 पटीने अधिक किमतीवर ट्रेड करत आहेत. RVNL स्टॉक आपल्या किंमत-ते-कमाईच्या तुलनेत 71.2 पट अधिक किमतीवर ट्रेड करत आहे. IRCON इंटरनॅशनल कंपनीचे शेअर्स आपल्या उच्चांक किंमत पातळीवरून 24 टक्के खाली आले आहेत. या कंपनीचे शेअर्स आपल्या किंमत-ते-कमाईच्या तुलनेत 15.1 पट अधिक किमतीवर ट्रेड करत आहेत. मागील एका महिन्यात IRCTC कंपनीचे शेअर्स 7 टक्के घसरले आहेत.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
