RVNL Share Price | आरव्हीएनएल कंपनीच्या शेअर्सने आपल्या गुंतवणुकदारांना मागील एका वर्षात जबरदस्त परतावा कमावून दिला आहे. मागील काही दिवसापासून कंपनीचे शेअर्स विक्रीच्या दबावात ट्रेड करत आहेत. आरव्हीएनएल कंपनीचे शेअर्स आपल्या सर्वकालीन उच्चांक किमतीवरून 27 टक्के कमजोर झाले आहेत. ( आरव्हीएनएल कंपनी अंश )
या कंपनीचे शेअर्स 200 रुपयेवरून 345 रुपयेपर्यंत तुफान तेजीत वाढले होते. मात्र शेअर बाजारातील मंदीने शेअरची किंमत पुन्हा खाली आणली. आज सोमवार दिनांक 13 मे 2024 रोजी आरव्हीएनएल स्टॉक 2.26 टक्के घसरणीसह 255.15 रुपये किमतीवर ट्रेड करत आहे.
मागील एका वर्षात या कंपनीच्या शेअर्सने आपल्या गुंतवणूकदारांना 117 टक्के मल्टीबॅगर नफा कमावून दिला आहे. 23 जानेवारी रोजी या कंपनीचे शेअर्स 345.60 रुपये या आपल्या वार्षिक उच्चांक किमतीवर ट्रेड करत होते. 2024 या वर्षात आरव्हीएनएल स्टॉक 43 टक्क्यांनी मजबूत झाला आहे. मागील सहा महिन्यांत या कंपनीच्या शेअर्सने आपल्या गुंतवणूकदारांचे पैसे 66 टक्के वाढवले आहेत. मागील पाच ट्रेडिंग सेशनमध्ये आरव्हीएनएल स्टॉक 6.39 टक्क्यांनी कमजोर झाला आहे.
एंजेल वन फर्मच्या तज्ञांच्या मते, आरव्हीएनएल स्टॉक पुढील काही दिवसात 245 रुपयेपर्यंत घसरू शकतो. या स्टॉकमध्ये 280-290 रुपये दरम्यान मजबूत प्रतिकार पाहायला मिळत आहे. त्यामुळे तज्ञांनी या स्टॉकमध्ये ‘बाय ऑन डिप’ आणि ‘सेल ऑन राईज’ धोरण स्वीकारण्याचा सल्ला दिला आहे. रेलिगेअर ब्रोकिंग फर्मच्या तज्ञांच्या मते, गुंतवणूकदारांनी आरव्हीएनएल स्टॉक 260-266 दरम्यान खरेदी करावा. हा शेअर पुढील काळात 295 रुपये किंमत स्पर्श करू शकतो. मात्र तज्ञांनी या स्टॉकमध्ये पैसे लावताना 250 रुपये किमतीवर स्टॉपलॉस लावण्याचा सल्ला दिला आहे.
प्रभुदास लिल्लाधर फर्मच्या तज्ञांच्या मते, आरव्हीएनएल स्टॉकमध्ये 245 रुपये किमतीवर मजबूत सपोर्ट पाहायला मिळत आहे. तज्ञांच्या मते, या शेअर्सची मासिक ट्रेडिंग रेंज 250 ते 300 रुपये दरम्यान असेल. आनंद राठी शेअर्स अँड ब्रोकर्सच्या तज्ञांच्या मते, हा स्टॉक 275 रुपये किमतीवर मजबूत प्रतिकार निर्माण करत आहे. आणि शेअरने 260 रुपये किमतीवर सपोर्ट तयार केला आहे. जर हा स्टॉक प्रतिकार पातळीच्या वर गेला तर शेअर 295 रुपये किंमत स्पर्श करू शकतो.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
