RVNL Share Price | RVNL म्हणजेच रेल विकास निगम लिमिटेड कंपनीच्या शेअरमध्ये तेजी मंदीचे चक्र पाहायला मिळत आहे. मागील काही दिवसापासून RVNL स्टॉक मजबूत तेजीत वाढत होता. मात्र काल या स्टॉकमध्ये प्रॉफिट बुकींग पाहायला मिळत होती. RVNL कंपनीचे शेअर्स मंगळवारच्या ट्रेडिंग सेशनमध्ये 5.57 टक्के वाढीसह 163 रुपये या आपल्या 52 आठवड्यांच्या नवीन उच्चांक किमतीवर ट्रेड करत होते.
यापूर्वी सोमवारच्या ट्रेडिंग सेशनमध्ये RVNL स्टॉक 17.22 टक्के वाढीसह ट्रेड करत होता. 2023 या वर्षात RVNL कंपनीचे शेअर्स तब्बल 136.32 टक्के वाढले आहेत. मागील वर्षी या कंपनीच्या शेअरने लोकांना 391.65 टक्के नफा कमावून दिला होता. काल गुरुवार दिनांक 7 सप्टेंबर 2023 रोजी RVNL शेअर्स 4.54 टक्के वाढीसह 156.65 रुपये (NSE सकाळी 9:30 वाजता) किमतीवर ट्रेड करत होते. आज शुक्रवार दिनांक 8 सप्टेंबर 2023 रोजी RVNL कंपनीचे शेअर्स 1.56 टक्के वाढीसह (सकाळी १०:०० वाजता) 156.30 रुपयांवर ट्रेड करत आहेत.
मागील पाच दिवसांत RVNL कंपनीच्या शेअरने आपल्या गुंतवणूकदारांना 21 टक्के परतावा कमावून दिला आहे. आणि मागील 6 महिन्यांत या कंपनीच्या शेअरने आपल्या गुंतवणूकदारांना 140 टक्के परतावा कमावून दिला आहे. RVNL कंपनीच्या शेअर्समध्ये वाढ एका घोषणेनंतर पाहायला मिळाली आहे.
या कंपनीने स्टॉक एक्सचेंज फाइलिंगमध्ये कळवले आहे की, कंपनीची वार्षिक सर्वसाधारण सभा 27 सप्टेंबर 2023 रोजी आयोजित करण्यात आली आहे. आणि नुकताच कंपनीला मध्य गुजरात विज कंपनी लिमिटटेड कडून एक मोठी ऑर्डर मिळाली आहे. या ऑर्डरचे मूल्य 322.08 कोटी रुपये असून त्याची पूर्तता 31 महिन्यांत करायची आहे.
शेअर बाजारातील तज्ञांनी RVNL कंपनीच्या शेअरवर 175 रुपये लक्ष किंमत जाहीर केली आहे. भारतीय रेल्वेचा भांडवली खर्च 2,40,000 कोटी रुपयेवर पोहोचला आहे, जो 2014 च्या रेल्वे अर्थसंकल्पाच्या तुलनेत नऊ पट अधिक आहे. म्हणून सर्व रेल्वे कंपनीच्या शेअरमध्ये तेजी पाहायला मिळत आहे.
RVNL कंपनीच्या शेअर्सची किंमत वाढली आहे, तरीही गुंतवणुकदारस्टॉक खरेदी करत आहेत. म्हणून पुढील काळात जा स्टॉक आणखी तेजीत येऊ शकतो असा अंदाज तज्ञांनी व्यक्त केला आहे. दैनंदिन चार्टवर RVNL स्टॉकमध्ये 167.70 रुपये किमतीवर प्रतिकार पाहायला मिळत आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
