Sahana System Share Price | सहाना सिस्टीम लिमिटेड कंपनीचे शेअर्स सोमवारी NSE SME इंडेक्सवर जबरदस्त किमतीवर सूचीबद्ध झाले आहेत. शेअर्स त्यांच्या इश्यू किमतीच्या तुलनेत 20 टक्के प्रीमियम किमतीवर सूचीबद्ध झाला आहे. सहाना सिस्टम्स कंपनीच्या IPO मध्ये शेअरची किंमत बँड 135 रुपये प्रति शेअर जाहीर करण्यात आली होती.
शेअर 163 रुपये प्रति शेअर किमतीवर सूचीबद्ध झाला आहे. सोमवारी हा स्टॉक 26.78 टक्के वाढीसह 171.15 रुपये किमतीवर ट्रेड करत होता. तर आज मंगळवार दिनांक 13 जून 2023 रोजी या कंपनीचे शेअर्स 5 टक्के घसरणीसह 162.60 रुपये किमतीवर क्लोज झाले आहेत.
सहाना सिस्टीम कंपनीचा आयपीओ 31 मे 2023 रोजी गुंतवणुकीसाठी खुला करण्यात आला होता. तर 2 जूनपर्यंत हा IPO गुंतवणुकीसाठी खुला होता. या कालावधीत IPO एकूण 9.99 पट अधिक सबस्क्राईब झाला होता. रिटेल श्रेणीतील गुंतवणूकदारांसाठी राखीव ठेवण्यात आलेला कोटा 12.97 पट अधिक सबस्क्राइब झाला होता. तर QIB साठीचा राखीव कोटा 9.70 पट सबस्क्राइब झाला होता.
यातील NII श्रेणीमधील राखीव कोटा 7.07 पट सबस्क्राईब झाला होता. या कंपनीच्या IPO चा एकूण आकार 32.74 कोटी रुपये होता. या कंपनीच्या IPO इश्यूची किंमत बँड 132 रुपये ते 135 रुपये प्रति शेअर ठरवण्यात आली होती. या कंपनीने आपल्या IPO मधे एका लॉटमध्ये 1,000 शेअर्स ठेवले होते.
सहाना सिस्टम्स ही कंपनी मुख्यतः आयटी संबंधित सेवा प्रदान करण्याचे काम करते. कंपनी आपल्या ग्राहकांना वेब अॅप डेव्हलपमेंट, मोबाइल अॅप्लिकेशन डेव्हलपमेंट, एआय आणि एमएल डेव्हलपमेंट,.चॅटबॉट डेव्हलपमेंट, प्रोटोटाइपिंग सेवा प्रदान करण्याचे काम करते. तसेच ही कंपनी ग्राफिक्स डिझायनिंग, SEO आणि ASO, डिजिटल मार्केटिंग, UI / UX डिझाइन, वेबसाइट आणि ऍप्लिकेशन स्थलांतर, IT सेवा आउटसोर्सिंग आणि सायबर सुरक्षा यासारख्या सेवा देखील प्रदान करण्याचे काम करते.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
