Salary Vs Saving Account | ज्याच्याकडे नोकरी आहे, त्यांच्याकडे सॅलरी अकाउंट असते. ज्यात त्याचा पगार कंपनीकडून जमा केला जातो. कंपनीच्या सांगण्यावरून हे खाते उघडले जाते. आता सॅलरी अकाउंट आणि सेव्हिंग अकाऊंट वेगळे कसे आणि या दोघांमध्ये काय फरक आहे, असा प्रश्न निर्माण झाला आहे. चला जाणून घेऊया पगार खाते आणि बचत खाते यात काय फरक आहे आणि दोन्ही खात्यांचे फायदे काय आहेत.
सॅलरी बँक अकाउंट म्हणजे काय:
कंपन्यांच्या सांगण्यावरून सॅलरी अकाउंट उघडले जाते. संस्थेच्या प्रत्येक कर्मचाऱ्याला त्याचे वेतन खाते मिळते. प्रत्येक कर्मचाऱ्याला वैयक्तिक सॅलरी अकाउंट मिळतं, जिथे त्याचा पगार दर महिन्याला येतो.
बचत खाते म्हणजे काय:
कोणतीही व्यक्ती बचत खाते उघडू शकते, सामान्यत: जे लोक पगारदार नसतात ते दैनंदिन जीवनात त्यांचे आर्थिक व्यवस्थापन करण्यासाठी बचत खाते उघडतात. त्यातून त्यांना व्याज कमावणारे जमा खाते मिळते.
सॅलरी अकाउंटचे फायदे:
१. पगाराच्या खात्यात मिनिमम बॅलन्स ठेवण्याचा कोणताही नियम नाही.
२. तीन महिने पगाराच्या खात्यात पगार नसेल तर तो वेतन खात्यातून सर्वसाधारण खात्यात बदलून दिला जातो.
३. सॅलरी अकाऊंट असेल तर पर्सनल चेकबुक मिळतं.
४. दोन वर्षे किंवा त्याहून अधिक बचत खात्यावर ओव्हरड्राफ्ट सुविधा उपलब्ध आहे. ओव्हरड्राफ्ट रकमेची मर्यादा ही दोन महिन्यांच्या मूळ वेतनाएवढी आहे. ओव्हरड्राफ्टच्या सुविधेअंतर्गत, जर तुमच्या बँक खात्यात शिल्लक नसेल तर तुम्ही एका विशिष्ट मर्यादेपर्यंत पैसे काढू शकता.
५. पगार खातेधारकाचा मृत्यू झाल्यास 20 लाख रुपयांपर्यंतचा वैयक्तिक अपघात विमा मिळतो.
सेव्हिंग अकाउंटचे फायदे :
१. सर्व सरकारी आणि खासगी बँका त्यांच्या बचत खात्यांवर हवाई अपघातांसह आयुर्विमा संरक्षण देत आहेत. काही बँका यासाठी फारच कमी शुल्क आकारतात तर काही बँका ते अगदी मोफत देतात.
२. बँकेत जमा केलेले आपले भांडवल पाच लाख रुपयांपर्यंत कव्हर केले जाते. यामध्ये चालू खाते, बचत खाते आणि मुदत ठेवींचा समावेश आहे.
३. अनेक बँका आपल्या बचत खातेधारकांना अमर्यादित एटीएम काढण्याची सुविधा देतात. मात्र, इतर अनेक बँका या सेवा केवळ त्यांच्या प्रीमियम ग्राहकांनाच देतात.
४. साधारणतः सामान्य बचत खाते ग्राहक इतर बँकांच्या एटीएममधून केवळ १० हजार रुपये आणि कमाल २५ हजार रुपये आपल्या बँकेतून काढू शकतात. परंतु, प्रीमियम बचत खातेधारकांना दिवसाला एक लाख रुपयांपर्यंत रक्कम काढण्याची मुभा आहे.
५. एसबीआय, एचडीएफसी, आयसीआयसीआय, अॅक्सिस आणि आयडीएफसी फर्स्ट सारख्या बँका त्यांच्या प्रीमियम बचत खातेधारकांना एअरपोर्ट लाउंज अॅक्सेस मोफत देतात.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
