SBI Credit Card | जर तुम्ही डिजिटल गेमिंग प्लॅटफॉर्म/ मर्चंटशी संबंधित व्यवहारांसाठी क्रेडिट कार्ड वापरत असाल तर तुम्हाला सावध गिरी बाळगण्याची गरज आहे. देशातील सर्वात मोठी बँक स्टेट बँक ऑफ इंडियाने (SBI) आपल्या क्रेडिट कार्ड वापरकर्त्यांना पुन्हा एकदा मोठा झटका दिला आहे. एसबीआय कार्डवरून क्रेडिट कार्डच्या नियमांमध्ये काही बदल करण्यात आले आहेत. हे नवे नियम 1 डिसेंबर 2024 पासून लागू होतील. नुकतेच एसबीआयने आणखी अनेक नियम बदलले आहेत.
एसबीआय कार्डच्या वेबसाइटनुसार, 1 डिसेंबर 2024 पासून डिजिटल गेमिंग प्लॅटफॉर्म / मर्चंटशी संबंधित व्यवहारांवर 48 क्रेडिट कार्डबक्षीस दिले जाणार नाहीत.
याशिवाय एसबीआयने नुकतेच खाली दिलेल्या नियमांमध्ये बदल जाहीर केले आहेत, जे 1 नोव्हेंबर 2024 पासून लागू होतील.
युटिलिटी बिल पेमेंटवर अधिभार आकारणार
एसबीआयच्या क्रेडिट कार्डद्वारे स्टेटमेंट सायकलमध्ये 50,000 रुपयांपेक्षा जास्त युटिलिटी बिल पेमेंटवर 1% अतिरिक्त चार्ज आकारला जाईल. मात्र, ५० हजार रुपयांपेक्षा कमी रकमेच्या युटिलिटी बिल भरण्यावर कोणतेही अतिरिक्त शुल्क आकारले जाणार नाही. हे नियम 1 नोव्हेंबर 2024 पासून लागू होतील.
फायनान्स चार्जेसमध्ये बदल
एसबीआयने शौर्य/ डिफेन्स क्रेडिट कार्ड वगळता सर्व असुरक्षित क्रेडिट कार्डच्या फायनान्स चार्जेसमध्ये बदल केला आहे. आता एसबीआयच्या असुरक्षित क्रेडिट कार्डवर ३.७५ टक्के फायनान्स चार्ज आकारला जाणार आहे. हे नियम 1 नोव्हेंबर 2024 पासून लागू होतील.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
