SJVN Share Price | एसजेव्हीएन या सरकारी कंपनीचे शेअर्स अक्षरशः कोसळले आहेत. चालू आर्थिक वर्षाच्या तिसऱ्या तिमाहीत कंपनीचा निव्वळ नफा मागील वर्षीच्या याच तिमाहीच्या तुलनेत 51 टक्क्यांच्या घसरणीसह 138.97 कोटी रुपये नोंदवला गेला आहे. मागील आर्थिक वर्षाच्या याच तिमाहीत एसजेव्हीएन कंपनीने 287.42 कोटी रुपये निव्वळ नफा कमावला होता.
मागील आठवड्यात शुक्रवारच्या ट्रेडिंग सेशनमध्ये या कंपनीचे शेअर्स 6.67 टक्क्यांच्या घसरणीसह 140.60 रुपये किमतीवर क्लोज झाले होते. तर आज सोमवार दिनांक 12 फेब्रुवारी 2024 रोजी एसजेव्हीएन स्टॉक 19.99 टक्के घसरणीसह 112.45 रुपये किमतीवर क्लोज झाला आहे.
सेबीला दिलेल्या माहितीनुसार एसजेव्हीएन कंपनीने ऑक्टोबर-डिसेंबर 2023 तिमाहीत 607.72 कोटी रुपये महसूल संकलित केला आहे. मागील आर्थिक वर्षाच्या याच तिमाहीत कंपनीने 711.24 कोटी रुपये महसूल संकलित केला होता. मागील आठवड्यात शुक्रवारच्या ट्रेडिंग सेशनमध्ये कंपनीच्या संचालकांची बैठक पार पडली होती. हा बैठकीत कंपनीने 2023-24 या आर्थिक वर्षासाठी 1.15 रुपये प्रति शेअर अंतरिम लाभांश वाटप करण्याचा प्रस्ताव मंजूर केला आहे.
मागील एका महिन्यात एसजेव्हीएन कंपनीच्या शेअर्सने आपल्या गुंतवणुकदारांना 51 टक्क्यांपेक्षा जास्त परतावा कमावून दिला आहे. मागील 6 महिन्यांत या कंपनीच्या शेअर्सने आपल्या गुंतवणूकदारांचे पैसे दुप्पट केले आहे. या काळात कंपनीच्या शेअरची किंमत तब्बल 153 टक्के वाढली आहे.
मागील एका वर्षात एसजेव्हीएन कंपनीच्या शेअर्सने आपल्या गुंतवणूकदारांना 300 टक्के परतावा कमावून दिला आहे. एसजेव्हीएन कंपनीमध्ये भारत सरकारने 55 टक्के भाग भांडवल धारण केले आहे. तर हिमाचल प्रदेश सरकारने या कंपनीचे 26.9 टक्के भाग भांडवल धारण केले आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
