Stocks To Buy | ग्लोबल ब्रोकरेज फर्म जेफरीजने ॲक्सिस बँकेचे शेअर्स खरेदी करण्याचा सल्ला दिला आहे. शुक्रवारच्या ट्रेडिंग सेशनमध्ये ॲक्सिस बँकेचे शेअर्स विक्रीच्या दबावात ट्रेड करत होते. मात्र दिवसाअखेर या शेअरमध्ये खरेदी वाढली. 24 एप्रिल 2024 रोजी ॲक्सिस बँकेच्या संचालक मंडळाची बैठक आयोजित करण्यात आली आहे. ( ॲक्सिस बँक अंश )
या बैठकीत बँकेचे संचालक मंडळ भांडवल उभारणीच्या प्रस्तावावर चर्चा करू शकतात. 2024 या वर्षात ॲक्सिस बँकेचे शेअर्स 6 टक्क्यांनी वाढले आहे. शुक्रवार दिनांक 19 एप्रिल 2024 रोजी ॲक्सिस बँकेचे शेअर्स 0.75 टक्के वाढीसह 1,031.70 रुपये किमतीवर क्लोज झाले होते.
जेफरीज फर्मच्या तज्ञांच्या मते, ॲक्सिस बँकेचे शेअर्स पुढील काही महिन्यांत 1380 रुपये किंमत स्पर्श करू शकतात. म्हणजेच सध्याच्या किंमतीच्या तुलनेत हा स्टॉक 35 टक्क्यांनी वाढू शकतो. मागील एका वर्षात या बँकेच्या शेअर्सने आपल्या गुंतवणुकदारांना 18 टक्के परतावा कमावून दिला आहे. सध्या ॲक्सिस बँकेचे शेअर्स आपल्या 52 आठवड्यांच्या उच्चांक किंमत पातळीच्या तुलनेत 12 टक्के कमजोर झाले आहे. 5 डिसेंबर 2023 रोजी ॲक्सिस बँकेचे शेअर्स 1,151 रुपये या आपल्या 52 आठवड्याच्या उच्चांक किंमत पातळीवर ट्रेड करत होते.
ॲक्सिस बँक 24 एप्रिल 2024 रोजी आपले मार्च 2024 तिमाहीचे आर्थिक निकाल जाहीर करणार आहे. यासह ही बँक भांडवल उभारणीच्या शक्यतांवर देखील निर्णय जाहीर करू शकते. जर ॲक्सिस बँकेने आपल्या निव्वळ संपत्तीच्या 15 टक्के भांडवल उभारणी केली तर त्याचे मुल्य 20,000-25,000 कोटी रुपये होईल. यासह ॲक्सिस बँकेचे भांडवल पर्याप्तता प्रमाण 160 अंकांनी वाढतील. आणि पुस्तक मूल्य 4-6 टक्क्यांनी वाढेल. ॲक्सिस बँकेच्या शेअर्सचे रिटर्न ऑन इक्विटी 17 टक्के होईल.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
