Stocks To Buy | शेअर बाजारात सध्या सुरू असलेल्या अस्थिरतेच्या गोंधळादरम्यान ब्रोकरेज हाऊस ICICI सिक्युरिटीजने उत्कर्ष स्मॉल फायनान्स बँकेचे शेअर्स खरेदी करण्याचा सल्ला दिला आहे. ब्रोकरेज फर्मचा असा विश्वास आहे की, उत्कर्ष स्मॉल फायनान्स बँकेला वाराणसी, यूपी येथून मायक्रो फायनान्स संस्था म्हणून उत्तर प्रदेश राज्याच्या संरचनात्मक आर्थिक वाढीचा खूप फायदा होईल. ( उत्कर्ष स्मॉल फायनान्स बँक अंश )
या वर्षी आतापर्यंत उत्कर्ष स्मॉल फायनान्स बँकेचे शेअर्स 8 टक्के घसरले आहेत. आज मंगळवार दिनांक 26 मार्च 2024 रोजी उत्कर्ष स्मॉल फायनान्स बँकेचे शेअर्स 0.10 टक्के वाढीसह 49.20 रुपये किमतीवर ट्रेड करत आहेत.
ICICI सिक्युरिटीज फर्मच्या तज्ञांनी उत्कर्ष स्मॉल फायनान्स बँकेचे शेअर्स तत्काळ खरेदी करण्याची शिफारस केली आहे. तज्ञांच्या मते, या बँकेचे शेअर्स अल्पावधीत 70 रुपये किंमत स्पर्श करू शकतात. 21 मार्च रोजी उत्कर्ष स्मॉल फायनान्स बँकेचे शेअर 48 रुपये किमतीवर ट्रेड करत होते.
तज्ञांच्या मते, उत्कर्ष स्मॉल फायनान्स बँकेचे शेअर्स 45-46 टक्के अधिक परतावा देऊ शकतात. 2024 यावर्षात आतापर्यंत उत्कर्ष स्मॉल फायनान्स बँकच्या स्टॉकमध्ये 8 टक्के घसरण पहायला मिळाली आहे. 8 फेब्रुवारी 2023 रोजी या बँकेचे शेअर्स 68.23 रुपये या आपल्या 52 आठवड्यांच्या उच्चांक किंमत पाळतीवर ट्रेड करत होते.
ब्रोकरेज हाऊसने दिलेल्या माहितीनुसार, उत्कर्ष स्मॉल फायनान्स बँकेने 2010 मध्ये वाराणसी येथून मायक्रो फायनान्स कंपनी म्हणून व्यवसाय सुरू केला होता. या लघु वित्त बँकेने यूपी आणि बिहारमध्ये चांगली उपस्थिती निर्माण केली आहे. उत्तर प्रदेश राज्यात जवळपास सर्व जिल्ह्यांमध्ये या बँकेची पोहोच खूप मजबूत आहे. उत्तर प्रदेशात 75 पैकी फक्त 7 जिल्हे असे आहेत जिथे या बँकेचा पतपुरवठा 20 टक्क्यांपेक्षा अधिक आहे.
कोविड दरम्यान उत्कर्ष स्मॉल फायनान्स बँकेचे राइट ऑफ 12 टक्के होते. तर इतर MFI चे राईट ऑफ 12-20 टक्के होते. आर्थिक वर्ष 2024-26 मध्ये उत्कर्ष स्मॉल फायनान्स बँकेचा आरओई 18 टक्क्यांपेक्षा जास्त आणि वार्षिक सरासरी वाढ 25 टक्क्यांपेक्षा जास्त राहण्याची अपेक्षा आहे. उत्तर प्रदेशमध्ये या बँकेच्या क्रेडिट मार्केट शेअरमध्ये 42 अंकांची वाढ नोंदवली गेली आहे. डिसेंबर 2023 पर्यंत उत्कर्ष स्मॉल फायनान्स बँकेचा क्रेडिट मार्केटमधील वाटा 40 टक्के होता.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
