Subex Share Price | शुक्रवारच्या ट्रेडिंग सेशनमध्ये सुबेक्स लिमिटेड कंपनीचे शेअर्स 20 टक्क्यांच्या वाढीसह ट्रेड करत होते. आज देखील या कंपनीचे शेअर्स जबरदस्त तेजीत धावत आहेत. स्टॉकमध्ये वाढीचे कारण म्हणजे, सुबेक्स लिमिटेड कंपनीने गुगलसोबत भागीदारी केली आहे. ही बातमी येताच शेअर बाजारातील गुंतवणूकदारांनी मोठ्या प्रमाणात स्टॉक खरेदीला सुरुवात केली.
शुक्रवारी सुबेक्स लिमिटेड कंपनीचे शेअर्स 20 टक्के अप्पर सर्किटवर 35 रुपयेपेक्षा कमी किमतीवर ट्रेड करत होते. आज सोमवार दिनांक 17 जुलै 2023 रोजी सुबेक्स लिमिटेड कंपनीचे शेअर्स 6.93 टक्के वाढीसह 36.25 रुपये किमतीवर ट्रेड करत आहेत.
गुगलसोबत भागीदारी तपशील :
सुबेक्स लिमिटेड कंपनीने दिलेल्या माहिती नुसार कंपनीने गुगलसोबत फ्रॉड मॅनेजमेंट कौशल्य आणि Google Cloud ची विश्वासार्हता, सुरक्षा स्केलेबिलिटी संबंधित भागीदारी केली आहे. दूरसंचार उद्योगात मोठ्या प्रमाणात सुरू असलेल्या फसवणूकीला आळा घालण्यासाठी सुबेक्स लिमिटेड आणि गुगलने संयुक्त उपक्रम सुरू केला आहे.
सुबेक्स लिमिटेड स्टॉक कामगिरी :
शुक्रवारच्या ट्रेडिंग सेशनमध्ये सुबेक्स लिमिटेड कंपनीच्या शेअर्समध्ये 20 टक्के अप्पर सर्किट लागला होता. आणि स्टॉक 33.94 रुपये किमतीवर पोहचला होता. मागील एका महिन्यात सुबेक्स लिमिटेड कंपनीच्या शेअर्सने आपल्या गुंतवणूकदारांना 27.87 टक्के परतावा कमावून दिला आहे. तर मागील एका वर्षात या कंपनीच्या शेअरने आपल्या गुंतवणूकदारांना 39.69 टक्के परतावा कमावून दिला आहे
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
