Suzlon Share Price | सुझलॉन एनर्जी कंपनीच्या शेअर्समध्ये जोरदार घसरणीनंतर तेजी पाहायला मिळत आहे. अमेरिकन अर्थव्यवस्थेतील संभाव्य मंदी आणि परकीय भांडवलाचे निर्गमन या पार्श्वभूमीवर जागतिक गुंतवणूक बाजारात अस्थिरता पाहायला मिळत आहे. नुकताच सुझलॉन एनर्जी स्टॉकने 71.75 रुपये या आपल्या 52 आठवड्याच्या उच्चांक किमतीला स्पर्श केला होता. आता हा स्टॉक उच्चांक किमतीवरून किंचित खाली ट्रेड करत आहे. ( सुझलॉन एनर्जी कंपनी अंश )
आज मंगळवार दिनांक 6 ऑगस्ट 2024 रोजी सुझलॉन एनर्जी स्टॉक 2.55 टक्के वाढीसह 69.58 रुपये किमतीवर ट्रेड करत आहे. चॉईस ब्रोकिंग फर्मच्या तज्ञांच्या मते, सुझलॉन एनर्जी स्टॉक टेक्निकल चार्टवर नवीन ब्रेकआउट देण्याची तयारी करत आहे. या शेअरला खालच्या पातळीवर मजबूत सपोर्ट मिळत आहे. तज्ञांच्या मते, गुंतवणूकदारांनी सुझलॉन एनर्जी स्टॉकमध्ये पैसे लावताना 65 रुपये किमतीवर स्टॉप लॉस लावणे आवश्यक आहे. हा स्टॉक 72 रुपये किमतीवर मजबूत ब्रेकआउट देऊ शकतो.
जून तिमाहीत सुझलॉन एनर्जी कंपनीचा निव्वळ नफा तिप्पट वाढून 302 कोटी रुपयेवर पोहोचला होता. मागील आर्थिक वर्षाच्या जून तिमाहीत या कंपनीचा निव्वळ नफा 101 कोटी रुपये नोंदवला गेला होता. जून 2024 तिमाहीत सुझलॉन एनर्जी कंपनीने 2,016 कोटी रुपये महसूल संकलित केला होता. मागील आर्थिक वर्षांच्या याच तिमाहीत कंपनीने 1,348 कोटी रुपये महसूल संकलित केला होता. कंपनीच्या ऑर्डर बुकचा आकार सध्या 3.8 GW आहे. 30 जूनपर्यंत सुझलॉन एनर्जी कंपनीकडे 1,197 कोटी रुपये निव्वळ रोकड होती.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
