Tata Chemicals Share Price | टाटा समूहाचा भाग असेलल्या टाटा केमिकल्स लिमिटेड कंपनीच्या शेअर्समध्ये जबरदस्त तेजी पाहायला मिळत आहे. सोमवारच्या ट्रेडिंग सेशनमध्ये या कंपनीचे शेअर्स 13.2 टक्के वाढीसह 1202.65 रुपये किमतीवर ट्रेड करत होते. तर आज देखील या कंपनीच्या शेअर्समध्ये अफाट तेजी पाहायला मिळत आहे. ( टाटा केमिकल्स लिमिटेड कंपनी अंश )
मागील पाच दिवसांत या कंपनीच्या शेअर्सने आपल्या गुंतवणुकदारांना 25 टक्के परतावा कमावून दिला आहे. या कंपनीच्या शेअर्समध्ये वाढ होण्याचे मुख्य कारण म्हणजे, रेटिंग्स एजन्सीने या कंपनीची रेटिंग अपग्रेड केली आहे. आज गुरूवार दिनांक 7 मार्च 2024 रोजी टाटा केमिकल्स लिमिटेड स्टॉक 12.02 टक्के वाढीसह 1,320.15 रुपये किमतीवर ट्रेड करत आहेत.
फिंच रेटिंग फर्मने टाटा केमिकल्स लिमिटेड कंपनीचे दीर्घकालीन IDR रेटिंग ‘पॉझिटिव्ह’ वरून ‘स्थिर’ असे केले आहे. तसेच त्यावर ‘BB+’ रेटिंग देण्यात आली आहे. मागील तिमाहीत देशांतर्गत तसेच आंतरराष्ट्रीय बाजारात सोडा ॲशच्या मागणीत घट पाहायला मिळाली होती. युरोप आणि यूएसमधील कंटेनर ग्लास आणि फ्लॅट ग्लास मधील मागणी घटल्याने सोडा ॲशच्या किमतींवर दबाव होता.
टाटा केमिकल्स लिमिटेड कंपनीच्या व्यवस्थापन मंडळाने निवेदनात माहिती दिली आहे की, सध्याची मागणी-पुरवठ्यातील मंदीची परिस्थिती अल्प काळासाठी स्थिर राहील. टाटा केमिकल्स लिमिटेड ही जगातील तिसरी सर्वात मोठी सोडा ॲशची उत्पादक कंपनी म्हणून ओळखली जाते. आर्थिक वर्ष 2025-2027 दरम्यान टाटा केमिकल्स लिमिटेड कंपनीचा EBITDA निव्वळ लीव्हरेज सरासरीच्या 2.2x पट राहण्याचा अंदाज आहे. पुढील काळातील उद्योगात निर्माण होणाऱ्या दबावांना न जुमानता टाटा केमिकल्स लिमिटेड कंपनी आपल्या रेटिंगशी सुसंगत कामगिरी करण्याची अपेक्षा आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
