Tata Motors Share Price | टाटा समूहाचा भाग असलेल्या टाटा मोटर्स कंपनीच्या शेअरमध्ये जबरदस्त उलाढाल पाहायला मिळत आहे. नवीन वर्षाच्या सुरुवातीला 2 जानेवारी 2024 रोजी टाटा मोटर्स कंपनीचे शेअर्स पहिल्यांदा 804 रुपये या आपल्या उच्चांक किमतीवर पोहचले होते. आता ब्रोकरेज फर्म जेपी मॉर्गनने टाटा मोटर्स स्टॉकची टारगेट प्राइस वाढवली आहे.
ब्रोकरेज फर्मने टाटा मोटर्स कंपनीच्या शेअर्सची टार्गेट प्राइस 680 रुपयेवरून वाढवून 925 रुपये केली आहे. आज शुक्रवार दिनांक 5 जानेवारी 2024 रोजी टाटा मोटर्स स्टॉक 0.67 टक्के घसरणीसह 790.45 रुपये किमतीवर ट्रेड करत आहे.
ब्रोकरेज फॉर्म जेपी मॉर्गनच्या मते, टाटा मोटर्स स्टॉकची टारगेट प्राइस सुधारण्याचे कारण म्हणजे, कंपनीने अपेक्षेपेक्षा सुधारलेले मार्जिन आणि जग्वार लँड रोव्हर कंपनीमधील फ्री-कॅश-फ्लो डिलिव्हरी आहे. जग्वार लँड रोव्हर कंपनीने सप्टेंबर 2023 तिमाहीत 300 दशलक्ष युरो मोफत रोख प्रवाह नोंदवला होता. चालू आठवड्याच्या चौथ्या ट्रेडिंग सेशनमध्ये गुरुवारी टाटा मोटर्स कंपनीचे शेअर्स 2 टक्क्यांच्या वाढीसह 800 रुपये किमतीवर ट्रेड करत होते. गुरुवारच्या ट्रेडिंग सेशनमध्ये टाटा मोटर्स कंपनीचे शेअर्स 797.25 रुपये किमतीवर ओपन झाले होते.
6 जानेवारी 2023 रोजी टाटा मोटर्स कंपनीचे शेअर्स 381 रुपये या आपल्या 52 आठवड्यांच्या नीचांक किंमत पातळीवर ट्रेड करत होते. टाटा मोटर्स कंपनीच्या स्टॉकचा एक वर्षाचा बीटा 0.2 आहे. हा या कालावधीत खूपच कमी अस्थिरता दर्शवतो.
मागील वर्षी टाटा मोटर्स कंपनीच्या स्टॉकमध्ये 107 टक्के वाढ पाहायला मिळाली आहे. प्रभुदास लिल्लाधर फर्मच्या तज्ञांनी माहिती दिली की, टाटा मोटर्स स्टॉक 735 रुपयेच्या ब्रेकआउटनंतर मजबूत तेजीसह वाढू शकतो. तज्ञांनी टाटा मोटर्स स्टॉकवर 820 रुपये टारगेट प्राइस निश्चित केली आहे.
इंक्रेड इक्विटीज फर्मच्या तज्ञांनी टाटा मोटर्स कंपनीच्या स्टॉकवर 900 रुपये दीर्घकालीन टार्गेट प्राइस निश्चित केली आहे. सप्टेंबर 2023 तिमाहीत टाटा मोटर्स कंपनीने 3,764 कोटी रुपये निव्वळ नफा कमावला होता. सप्टेंबर 2022 तिमाहीत टाटा मोटर्स कंपनीला 944.61 कोटी रुपये निव्वळ तोटा सहन करावा लागला होता. चालू आर्थिक वर्षाच्या दुसऱ्या तिमाहीत टाटा मोटर्स कंपनीने 32 टक्के वाढीसह 1.04 लाख कोटी रुपये महसूल संकलित केला आहे.
मागील आर्थिक वर्षात याच तिमाही कालावधीत टाटा मोटर्स कंपनीने 78,846 कोटी रुपये महसूल संकलित केला होता. सप्टेंबर 2022 च्या तिमाहीत टाटा मोटर्स स्टॉकचा ऑपरेटिंग मार्जिन 7.67 टक्के वरून वाढून सप्टेंबर 2023 तिमाहीत 13.19 टक्के पर्यंत वाढला आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
