Tata Motors Share Price | आठवडाभर स्टॉक मार्केटमध्ये मजबूत चढ-उतार पाहायला मिळाले होते. सध्या कॉर्पोरेट कंपन्यांचा तिमाही निकालाचा हंगाम सुरू झाला आहे. शेअर बाजारातील सूचिबद्ध कंपन्या तिसऱ्या तिमाहीचे निकाल जाहीर करतील. दुसरीकडे, टॉप ब्रोकरेज फर्मच्या रिपोर्टमध्ये टाटा मोटर्स शेअरची निवड करण्यात आली आहे. ब्रोकरेज फर्मने टार्गेट प्राईस देखील जाहीर केली आहे.
नोमुरा आणि मॉर्गन स्टॅनली ब्रोकरेज फर्म रिपोर्ट – टाटा मोटर्स टार्गेट प्राईस
नोमुरा ब्रोकरेज फर्मने टाटा मोटर्स लिमिटेड कंपनी शेअरसाठी खरेदीचा सल्ला दिला आहे. नोमुरा ब्रोकरेज फर्मने टाटा मोटर्स लिमिटेड कंपनी शेअरसाठी ‘BUY’ कॉल सह ९९० रुपये टार्गेट प्राईस दिली आहे. तसेच मॉर्गन स्टॅनली ब्रोकरेज फर्मने देखील टाटा मोटर्स लिमिटेड कंपनी शेअरसाठी खरेदीचा सल्ला दिला आहे. मॉर्गन स्टॅनली ब्रोकरेज फर्मने टाटा मोटर्स लिमिटेड कंपनी शेअरसाठी ‘BUY’ रेटिंग सह 920 रुपये टार्गेट प्राईस जाहीर केली आहे.
नोमुरा ब्रोकरेज फर्मने रिपोर्टमध्ये काय म्हटले?
टाटा मोटर्स लिमिटेड कंपनी दुसऱ्या तिमाहीतील 22,000 कोटी रुपयांच्या निव्वळ कर्जाच्या स्थितीतून आर्थिक वर्ष 2027 पर्यंत प्रति शेअर 86 रुपये निव्वळ रोकड प्राप्त करेल, असा अंदाज नोमुरा ब्रोकरेज फर्मने व्यक्त केला आहे. टाटा मोटर्स लिमिटेड कंपनी शेअर सध्या 4.2x आर्थिक वर्ष 2027 EV/EBITDA वर ट्रेड करत आहे, ज्याला नोमुरा ब्रोकरेज फर्मने आकर्षक असल्याचे म्हटले आहे.
मॉर्गन स्टॅनली ब्रोकरेज फर्मने रिपोर्टमध्ये काय म्हटले?
मॉर्गन स्टॅनली ब्रोकरेज फर्मने रिपोर्टमध्ये म्हटले आहे की, ‘आर्थिक वर्ष २०२५ च्या तिसऱ्या तिमाहीसाठी जग्वार लँड रोव्हरचे होलसेल व्हॉल्युम अंदाजापेक्षा सुमारे २ टक्क्यांनी अधिक आहे. उच्च प्रोत्साहनामुळे टाटा मोटर्स लिमिटेड कंपनीच्या मार्जिनवर परिणाम झाला असला तरी अनुकूल मिश्रण आणि ऑपरेटिंग लिव्हरेजमुळे हा परिणाम भरून निघेल, अशी अपेक्षा आहे. मॉर्गन स्टॅनली ब्रोकरेज फर्मने जेएलआरला 9.6 टक्के ईबीआयटी मार्जिन देण्याचा अंदाज व्यक्त केला आहे, जो आर्थिक वर्ष 2025 च्या 8.5 टक्क्यांच्या मार्गदर्शनाशी सुसंगत आहे. जेएलआरच्या आर्थिक वर्ष 2025-26 मार्जिन मार्गदर्शनावर मुख्य लक्ष केंद्रित केले आहे.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
