Tata Power Share Price | टाटा समूहाचा भाग असलेल्या टाटा पॉवर कंपनीच्या शेअर्समध्ये मजबूत उसळी पाहायला मिळत आहे. मंगळवारच्या ट्रेडिंग सेशनमध्ये देखील या स्टॉकमध्ये जोरदार खरेदी पाहायला मिळाली होती. कालच्या ट्रेडिंग सेशनमध्ये शेअरची किंमत 248.40 रुपये पातळीवर पोहोचली होती. सोमवारच्या तुलनेत टाटा पॉवर स्टॉक 2 टक्क्यांच्या वाढीसह ट्रेड करत होता.
24 ऑगस्ट 2023 रोजी टाटा पॉवर स्टॉकने 252.75 रुपये ही आपली 52 आठवड्यांची उच्चांक किंमत पातळी स्पर्श केली होती. आज बुधवार दिनांक 30 ऑगस्ट 2023 रोजी टाटा पॉवर स्टॉक 0.38 टक्के वाढीसह 247.85 रुपये किमतीवर ट्रेड करत आहेत.
टाटा पॉवर कंपनीच्या स्टॉकमध्ये वाढ होण्याचे कारण म्हणजे, टाटा पॉवरची उपकंपनी असलेल्या Tata Power Renewable Energy Limited कंपनीने ग्लोबल ऑटोमोटिव्ह सिस्टम आणि पार्ट बनवणाऱ्या आनंद ग्रुपसोबत 4.4MW क्षमतेच्या ग्रुप कॅप्टिव्ह पॉवर डिलिव्हरी प्रोजेक्टसाठी व्यापारी करार केला आहे.
या करारानुसार, टाटा पॉवर रिन्युएबल एनर्जी कंपनी नवीकरणीय ऊर्जा स्त्रोतांच्या माध्यमातून 10 दशलक्ष युनिट्स स्वच्छ आणि हरित ऊर्जा निर्मिती करणारे प्रकल्प उभारणार आहे. या प्रकल्पाच्या माध्यमातून टाटा पॉवर कंपनीला वार्षिक 5,500 टन कार्बन उत्सर्जन कमी होण्याची अपेक्षा आहे.
टाटा पॉवर रिन्युएबल एनर्जी लिमिटेड, कंपनीच्या सीईओने माहिती दिली की, “आनंद ग्रुपने टाटा पॉवर कंपनीला या नवीन प्रोजेक्टमध्ये सामील करून घेतल्याने आम्हाला आनंद होत आहे. टाटा पॉवर कंपनीचा हा कॅप्टिव्ह प्रोजेक्ट ऑटोमोटिव्ह ऊर्जा निर्मिती उद्योगाला अधिक शाश्वत आणि पर्यावरणपूरक बनवण्यासाठी हातभार लावेल. आणि आपले पर्यावरण पूरक वचनबद्धतेचे लक्ष प्राप्त करण्यास मदत करेल.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
