Timken Share Price | टिमकेन इंडिया कंपनीच्या शेअर्सने मागील पाच वर्षांत आपल्या गुंतवणुकदारांना 661 टक्के मल्टीबॅगर परतावा कमावून दिला आहे. मागील आठवड्यात शनिवारी विशेष ट्रेडिंग सेशनमध्ये या कंपनीचे शेअर्स 1.26 टक्के घसरले होते. या कंपनीचे एकूण बाजार भांडवल 31,255 कोटी रुपये आहे. टिमकेन इंडिया स्टॉक आपल्या 5 दिवस, 20 दिवस, 50 दिवस, 100 दिवस आणि 200 दिवसांच्या मुविंग सरासरी किंमत पातळीच्या वर ट्रेड करत आहे. ( टिमकेन इंडिया कंपनी अंश )
मागील दोन वर्षांत या कंपनीच्या शेअर्सने आपल्या गुंतवणुकदारांना 113 टक्के परतावा कमावून दिला आहे. तर मागील तीन वर्षांत या कंपनीच्या शेअर्सने आपल्या गुंतवणुकदारांना 226 टक्के परतावा कमावून दिला आहे. आज मंगळवार दिनांक 21 मे 2024 रोजी टिमकेन इंडिया स्टॉक 5.12 टक्के घसरणीसह 3,944.30 रुपये किमतीवर ट्रेड करत आहे.
टिमकेन इंडिया स्टॉकचा रिलेटिव्ह स्ट्रेंथ इंडेक्स 84.1 अंकवर आहे. म्हणजेच हा स्टॉक सध्या ओव्हरबॉट झोनमध्ये व्यवहार करत आहे. सेंट्रम ब्रोकिंग फर्मच्या तज्ञांच्या मते, या कंपनीचे शेअर्स पुढील काळात 2665 रुपये किमतीवर येऊ शकतात. टिप्स 2 ट्रेड्स फर्मच्या तज्ञांच्या मते, टिमकेन इंडिया कंपनीचे शेअर्स 3770 रुपये किमतीवर मजबूत प्रतिकार देत आहेत.
शेअर बाजारातील तज्ञांनी या स्टॉकमध्ये सध्या नफा वसुली करण्याचा सल्ला दिला आहे. तज्ञांच्या मते, टिमकेन इंडिया स्टॉकने 3416 रुपये किमतीवर मजबूत सपोर्ट निर्माण केला आहे. हा स्टॉक पुढील काळात 2841 रुपये किमतीवर जाऊ शकतो. मार्च 2023 च्या तिमाहीत या कंपनीने 104.5 कोटी रुपये नफा कमावला होता. जो मार्च 2024 तिमाहीत 141.4 कोटी रुपये नोंदवला गेला आहे.
मार्च 2023 च्या तिमाहीत या कंपनीने 809.2 कोटी रुपये महसूल संकलित केला होता. तर मार्च 2024 तिमाहीत कंपनीने 908.5 कोटी रुपये महसूल संकलित केला होता. नुकताच या कंपनीच्या संचालक मंडळाने आपल्या गुंतवणुकदारांना 2.5 रुपये लाभांश वाटप करण्याची घोषणा केली आहे. टिमकेन इंडिया लिमिटेड कंपनी मुख्यतः बेअरिंग्ज, गीअर्स, गियरिंग आणि ड्रायव्हिंग घटकांच्या निर्मितीचा व्यवसाय करते.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
